Popular Bible Verses from PHUNGTHLÛKBIA 16

Share

Narian cu BAWIPA cungah chia law na ruahmi hna kha fehter an si lai.

Minung lungthin nih a lam a ruat tawn, asinain BAWIPA nih a kephau cu a hruai tawn.

Biadawh cu khuaithlar bantuk a si, nunnâk caah a thlum i ruh caah ngandamnâk a si.

Thinlungin timhlamhnâk hi minung ṭuanvo a si i lei in lehnâk tu cu BAWIPA sinin a si.

Miṭhawng nâkin mi lungsau an ṭha deuh, a nunnâk a uk khotu cu khualipi latu nâk in a ṭha deuh.

Ruamkainâk hi rawhnâk lamhruaitu a si i lungpuamnâk thlarau cu tluknâk hmai ah.

Minung nunning vialte hi amah hmuhnâk ahcun a thiang ko, asinain BAWIPA nih thlarau kha cuai ah a thlai tawn.

Ralring tein bia a ngaitu hna nih thilṭha an hmuh lai, cun BAWIPA â bochanmi cu mithluachuak an si.

Diklo ngai i tampi ngeihnâk cha cun, dinnâk in tlawmte hmuh a ṭha deuh.

Miruahnâk ah lamdik sidawh ngai a si nain a donghnâk tu thihnâk a simi lam a um.

Mi ngerhngawi nih sikṭhiatnâk a chuahter tawn i biathi chim a hmangmi nih hawikawmṭha zong a ṭhen tawn hna.