Popular Bible Verses from PHUNGTHLÛKBIA 15

Share

Lehnâk nêm nih thinhunnâk a daihter, asinain biahrang nih thinhunnâk a thawhter.

BAWIPA ṭihzahnâk cu fimnâk cawnpiaktu a si i upatnâk a um hlanah toidornâk a um tawn.

A ngan a dammi lei cu nunnâk thingkung a si i ilhkhiahnâk nih thlarau a khuai tawn.

Remruatnâk a um lo ahcun, timhlamhnâk a hlawh tling kho lo. Asinain remruattu tamnâk ah hlawhtlinnâk a um.

Lungthin nomhnâk nih mithmai ṭha a chuahter, asinain lungretheihnâk cu thlarau kehkuainâk a si.

BAWIPA mit cu hmunkip ah â chawk i thil ṭha le thilṭha lo kha a zoh tawn.

BAWIPA ṭihzahnâk he tlawmte ngeih cu, tampi ngeih bu i buaibai nâkin a ṭha deuh.

Mithinchia nih sikṭhiatnâk a chuahter, asinain mi lung sau nih boruak a sang ding zong a daihter tawn.

Miding lungthin nih lehnâk ding a cawnhmasa tawn, asinain misuaksual hmurkâ nih thilṭhalo a chuahter tawn.