Popular Bible Verses from JEIM 4

Share

Cucaah Pathian sinah i pe u. Khuachia kha doh u law an zâmtâk hna lai.

Pathian naih u law, Amah zong nih an naih hna lai. Nannih misual hna, nan kut ṭawl ulaw, ruahnâk set ngei lomi hna, nan lungthin thianter u.

Bawipa hmai ah toi dor u law Amah nih an cawisan hna lai.

Asinain zângfahnâk tamchin chin a pêk tawn. Cucaah Cathiang nih, “Pathian nih miporhlaw a doh hna i toidormi kha zângfahnâk a pêk tawn,” tiah a ti.

Cucaah aho pauh thilṭha tuah awk a hngal ko nain a tuah lo ahcun, a caah sual a si.

Nan hal, nan hmu lo, zeicatiah a hal nan i palh, nanmah nomhhnaihnâk lawng ah hman nan duh.

Nannih ṭangdang a kaimi nu le ṭangdang a kaimi pa le hna! Vawlei he i hawikomhnâk hi Pathian he ralchanhnâk a si kha nan hngal lo maw? Cucaah vawlei hawikawm si a duhmi pauh cu Pathian ral ah â cang tawn.

thaizing ah zeithil dah a tlung lai ti kha na hngal lo. Nan nunnâk cu zeidah a si? Min mei cân tawi te a zâm i a lo ṭhanmi bantuk men hi a si.