Popular Bible Verses from 1JOHAN 3

Share

Ka nau le hna, lei le bia lawngin i daw loin tuahnâk le biatak in i daw u sih.

Dawtnâk cu hitihin kan hngalh, kan ca i a nunnâk a pêkmi ah hin. Cun kan nih zong nih kan unau caah kan nunnâk kan pêk ve awk a si.

Ngaihmanh u Pa nih a kan dawt ning hi zeitlukindah a ngan! Pathian fale tiah kawh kan si! Cucaah vawlei nih ankan hngalh lo, zeicatiah Amah kha an hngal lo.

Sualnâk tuahtu cu khuachia ta a si, zeitintiah a hramthawk in khuachia nih sualnâk a rak tuah cang. Pathian Fapa a langhchan cu khuachia rianṭuannâk a hrawh nâkhnga caah a si.

Pathian hrin a simi pauh nih, a chungah Pathian ci a hmunh caah sualnâk an tuah peng lo, Pathian hrin a si caah sualnâk a tuah peng kho lo.

Asinain mi zei pauh nih vawlei thilṭha ngeiin, a unau chambau in hmu sehlaw, a zângfah lo ahcun, zeitindah a chungah Pathian dawtnâk a hmunmi a si khawh lai?

A nawlpêk a zultu cu Amah ah a hmun i Amah zong a chungah a hmun ve. Amah kan sinah a hmun tiah kan hngalh khawhnâk cu Thlarau a kan pêkmi ah hin a si.

Hitihin Pathian fa le khuachia fa cu langhter a si. Dinnâk a tuah lomi pauh cu Pathian ta an si lo, a unau a daw lotu zong Pathian ta an si lo.

Pakhat le pakhat kan i dawt awk a si, tihi a hramthawk in biacah nan theihmi kha a si.

Ka nau le hna, vawlei nih an in huat hna ahcun mak ti hlah u.