Popular Bible Verses from Romafoɔ 6

Share

Na bɔne akatua ne owuo; na Nyankopɔn adom akyɛdeɛ ne daa nkwa, yɛn Awurade Kristo Yesu mu.

Na bɔne renni mo so, ɛfiri sɛ monni mmara ase, na mmom mowɔ adom ase.

Enti wɔnam owuo mu asubɔ so asie yɛne no sɛ, sɛdeɛ wɔnam Agya no animuonyam so nyanee Kristo firii awufoɔ mu no, saa ara na yɛn nso yɛnnante nkwa foforɔ mu.

nso mommfa mo honam akwaa mmma bɔne sɛ amumuyɛ akodeɛ, na mmom momfa mo ho mma Onyankopɔn sɛ wɔn a wɔfiri awufoɔ mu te aseɛ, na momfa mo honam akwaa mma Onyankopɔn sɛ tenenee akodeɛ.

Na yɛnim yei sɛ wɔabɔ yɛn nipa dada ne no asɛnnua mu, sɛ bɔne no nipadua nwu, na yɛansom bɔne bio

Saa ara na mo nso mommu mo ho sɛ moawu ama bɔne, na mote ase ma Onyankopɔn wɔ Kristo Yesu mu.

Enti afei yɛbɛka sɛn? Yɛntena bɔne mu na adom no nnɔɔso anaa? Dabi da, yɛn a yɛwu maa bɔne no, ɛbɛyɛ dɛn na yɛbɛkɔ so atena ase wɔ mu?

Monnim sɛ, deɛ mode mo ho ma no sɛ nkoa na motie no no, sɛ bɔne a ɛde kɔ owuo mu deɛ oo, asoɔmmerɛ a ɛde kɔ tenenee mu deɛ oo, ɔno a motie no no ara na ne nkoa ne mo anaa?

Na aseda nka Onyankopɔn, sɛ moayɛ bɔne nkoa pɛn, na afei mofiri akoma mu abrɛ mo aso ase ama nkyerɛkyerɛ sononko a wɔde mo ahyɛ mu no. Na moade mo ho wɔ bɔne ho yi, moabɛyɛ tenenee nkoa.