Popular Bible Verses from Mmebusɛm 17

Share

Adamfo dɔ berɛ nyinaa mu, na onua, wɔwoo no maa ahohiahia.

Anigyeɛ akoma yɛ aduro pa, na honhom a ɛdi yea no deɛ, ɛwe nnompe mu.

Deɛ ɔkata mfomsoɔ soɔ no hwehwɛ ɔdɔ, na deɛ ɔti asɛm mu no tete nnamfo ntam.

Deɛ ɔdodo ne nsɛm ho hunu nimdeɛ, na deɛ ne honhom dwoɔ yɛ nhunumu nipa.

Ogyimifoɔ mpo, ɔmua n’ano a, wɔbu no nyansafoɔ, aane, deɛ ɔka n’ano tom no, ɔyɛ nhunumuni.

Kɔntɔmoa wesee a asomdwoeɛ wɔ mu yɛ sene efie a afɔrebɔdeɛ a wɔko ho ayɛ no ma.

Ntɔkwa mfitiaseɛ te sɛ nsuo ano tue, enti ɔham mu nnya nyɛɛ den no, gyae.

Deɛ ɔbu ɔbɔnefoɔ bem ne deɛ ɔbu ɔteneneeni fɔ no, AWURADE akyiwadeɛ ne wɔn baanu nyinaa.