Popular Bible Verses from Mmebusɛm 16

Share

Fa wo nnwuma hyɛ AWURADE nsa, na wo nhyehyɛɛ bɛtim.

Onipa akoma na ɛdwene ne kwan ho, na AWURADE na ɔsisi n’anammɔn.

Nsɛm a ɛyɛ dɛ yɛ ɛwoɔkyɛm, ɔkra adɔkɔdɔkɔwadeɛ ne nnompe nkwahosan.

Akoma mu nhyehyɛɛ yɛ onipa dea, na tɛkyerɛma mmuaeɛ firi AWURADE.

Deɛ ne bo kyɛre fuo no yɛ sene dɔmmarima, na deɛ ɔdi ne honhom soɔ no sene deɛ ɔko fa kuro.

Ahantan di ɔsɛeɛ anim, na dwɛɛ honhom di asehweɛ kan.

Onipa akwan nyinaa so te n’ani so, na ahonhom karifoɔ ne AWURADE.

Deɛ ɔdwene asɛm soɔ no hunu papa, na nhyira ne deɛ ɔde ne ho to AWURADE soɔ.

Tenenee mu ade ketewa yɛ sene nnɔbaeɛ pii a ɛmfiri tenenee mu.

Ɛwɔ ɔkwan bi a ɛtene wɔ onipa ani soɔ, na mmom n’awieeɛ yɛ owuo kwan.

Onipa kontonkyi hyɛ takrawɔgyam, na asomsɛmkani tete nnamfo ntam.