Popular Bible Verses from Еврейлерге 13

Share

Акчага ӱстӱкпегер, не барыгарла болорзыныгар. Кудай бойы айткан јок беди: «Сени артырбазым, сени таштабазым».

Иисус Христос – кече, бӱгӱн ле ӱргӱлјиге ол ло бойы.

Оныҥ учун тидим айдадыс: «Кайракан – мениҥ болушчым, коркыыр немем јок. Кижи меге нени эдер?»

Анайда ок јакшыны эдерге ле ӧскӧ улусла ӱлежерге ундыбагар. Андый тайылгалар Кудайга јарап јат.

Анайдарда, Иисус ажыра Кудайга јаантайын макташтыҥ тайылгазын эдип турактар – Оныҥ ады-јолын јарлап турган оосторыстыҥ сыйын.

Айылду болгон улус бой-бойын тооп јӱрзин, олордыҥ тӧжӧгине кир јукпазын. Балыр јӱрӱмдӱ ле чайдам улусты Кудай јаргылаар.

Кӱндӱзек болорын ундыбагар. Кӱндӱзек болгоныла кезик улус бойлоры билбей, ангелдерди айлына кийдирген эди.

Мӧҥкӱлик кереестиҥ каны ажыра койлордыҥ улу Кӱдӱчизи боло берген Иисус Христос Кайраканысты тиргискен амырдыҥ Кудайы слерди Бойыныҥ табын бӱдӱрзин деп, кандый ла јакшы керекте јепсеп, Иисус Христос ажыра Бойына јараарын слердиҥ бойыгарда јайазын. Ого элен-чактарга мак! Аминь.