Popular Bible Verses from Еврейлерге 12

Share

Оныҥ учун бисти эбире андый кӧп керечилер бар болуп, базырып турган кандый ла јӱкти, капкыр кинчекти бойыбыстаҥ алып, туура таштактар. Иисуска кӧрӱп, биске темдектелген тартыжуны чыдамкай болуп ӧдӧли. Ол ажыра Кудайга бӱдӱп баштайдыс, бӱдӱп јӱргенис толо кемине једет. Ого темдектелген сӱӱнчиниҥ ордына Ол уйатка каларын керекке албай, керӱ агашта кыйынды чыдажып ӧдӱп, Кудайдыҥ ширеезиниҥ оҥ јанына отурып алган.

Кандый да кезедӱ эдилип турганда, сӱӱндирбей, кунуктырат. Мыныҥ кийнинде бу ажыра ӱредип койгон улуска амыр ла акту јӱрӱм берет.

Ончо улусла амыр јадарга, агару јӱрӱмдӱ болорго кичеенигер. Бу јокко Кайраканды кем де кӧрӱп болбос.

Кинчектӱ улустыҥ удурлашканына чыдашкан Иисус керегинде шӱӱп кӧригер. Ол тушта чинегер чыкпас, сӱригер тӱшпес.

Анайдарда, јайканбас каандыкты алып, јакшылыкты чеберлектер. Бу ажыра Кудайды тооп ло Оноҥ айап, Ого јараар эдип бажырып јӱректер

Кезедӱге чыдажып турганыгарда, Кудай слерле уулдарыла чылап Бойын тудат. Адазы кезетпей турган уул бар эмеш пе?

нениҥ учун дезе, бистиҥ Кудайыс – ол јуда салар от.

Бисти јердеги адаларыс кыска ӧйгӧ лӧ бойлоры чын деп бодогоныла кезеткен. Теҥеридеги Ада дезе биске чын туза болзын, Оныҥ агарулыгында кожо турушсын деп кезедет.

Кинчекке удура тартыжуда эм тура, кан тӧгӱлгенче, удурлашпадыгар