Popular Bible Verses from Еврейлерге 11

Share

Кудайга бӱдери – ол неге иженип јӱргениске бӱдӱмјилӱ болоры. Ол кӧрӱнбей турган немелерди чын эдет. Бӱдӱмји ажыра улу адалар Кудайдаҥ јараду алган.

Бӱдӱмји јокко, Кудайга јараар арга јок. Ол бар деп, Оны чын бедиреп јӱрген улуска кайрал болор деп, Кудайга келип турган кижи бӱдер учурлу.

Бӱдӱмјибис ажыра орчылаҥ Кудайдыҥ сӧзиле јайалган деп, кӧрӱнип турган немелер кӧрӱнбей тургандарынаҥ табылган деп, аайлап јадыбыс.

Бӱдӱмји ажыра Авраам Кудайдыҥ кычырузын угуп, энчи эдип алатан јерге барган. Ол кайдаар барып јатканын билбей, јӱре берген. Бӱдӱмји ажыра ол Кудай берер болгон јерде ӧскӧ ороонныҥ кижизи чилеп јӱрген. Ол андый ок энчи алар болгон Исаакла, Иаковло кожо чадырларда јаткан.

Бӱдӱмји ажыра Нойго кӧрӱнбей турганы озолондыра айдылган. Ол Кудайдаҥ айап, айлы-јуртын аргадаарга ковчег туткан. Мынайып бӱдӱмји ажыра ол бу телекейдиҥ улузын јаргылап, бӱдӱмји ажыра берилип турган акту болорын энчи эдип алган.

Бӱдӱмји ажыра Енох јердиҥ ӱстинеҥ алылып, ӧлӱм кӧрбӧгӧн. Оны таап болбогондор, нениҥ учун дезе оны Кудай Бойына алып алган. Ол јердеҥ алылардаҥ озо Кудайга јараган деп, ого кере берилген болгон.

Бӱдӱмји ажыра Авель Кудайга Каиндийинеҥ артык тайылга эткен. Бӱдӱмји ажыра ол акту кижи деп, Кудайдаҥ кере алган, нениҥ учун дезе оныҥ тайылгазын Кудай бойы јараткан. Бӱдӱмјиле ол, ӧлӱп калган бойы, эмдиге јетире айтканча.

Бӱдӱмји ажыра Сарра, бала таппас бойы, јажай да берген болзо, барланып, бала тапкан. Ол сӧзин берген Кудай чындык деп билген.

Авраам мынайда јӱрӱп, Кудай чӱмдеп туткан бек тӧстӱ каланы сакыган.

Бӱдӱмји ажыра Моисей, чыдап келеле, фараонныҥ кызыныҥ уулы деп ададарынаҥ мойногон. Удурумга кинчекте сайрап јӱргенче, Кудайдыҥ калыгыла кожо кыйналып јӱрерин артыксынган. Ол келер ӧйдӧги кайралды сананып, Христоско болуп јамандадарын Египеттиҥ эрјинезинеҥ баалу деп бодогон. Бӱдӱмји ажыра ол Египетти таштап, каан чугулданат деп коркыбаган. Ол кӧрӱнбес Кудайды кӧрӱп турган чылап, чыдамкай болгон.

Бӱдӱмји ажыра Авраам Исаакты тайган. Оны Кудай ченеп турарда, Кудайдыҥ берген сӧзин алган бойы, сок јаҥыс уулын тайарга белен болгон.

Бӱдӱмји ажыра балыр јӱрӱмдӱ Раав бакпас улусла кожо ӧлбӧгӧн, нениҥ учун дезе кайучылдарды айлына кӱӱнзеп кийдирген.

Бӱдӱмји ажыра Израильдиҥ улузы Кызыл талайды кургак јерле чилеп кечкен. Египеттиҥ улузы база кечейин дейле, чӧҥӱп калган.

Бӱдӱмји ажыра Израильдиҥ улузы јети кӱнниҥ туркунына Иерихонды эбире баскан кийнинде каланыҥ стенелери јемириле берген.

Јайрадаачы-ангел тун балдарга тийбезин деп, ол бӱдӱмји ажыра Пасханыҥ тайылгазын эдип, эжиктердиҥ јаактарын канла ӱрӱстеген.

Бӱдӱмји ажыра Иосиф ӧлӧр алдында Израильдиҥ улузы Египеттеҥ чыгып баратанын эске алындырып, сӧӧгин кайда тудатанын јакыган.

Бӱдӱмји ажыра Иаков ӧлӧр алдында Иосифтиҥ кажы ла уулына алкыжын берип, тайагына јӧлӧнип, Кудайга бажырган.

Бӱдӱмји ажыра Исаак келер ӧйдӧ бу бӱдер деп сананып, Иаков ло Исавты алкаган.