Popular Bible Verses from Колоссыдагыларга серкпеге самаразы 3

Share

Бой-бойыгарга чыдамкай болыгар, кем кемигерге комыдалду болзо, јаманын таштагар. Христос Кайракан јаманыгарды таштаганы чылап, слер де бой-бойыгардыҥ јаманыгарды таштагар.

Теҥеридези керегинде сананыгар, јердези керегинде эмес.

Нени де этсегер, ончозын бастыра кӱӱнигердеҥ эдигер, улуска чылап эмес, Кайраканга чылап эдигер.

Анайдарда, Кудайдыҥ талдап алгандары, Оныҥ агару ла карузыган улузы чылап, быйанзышты, буурзашты, быйанзак, тӧп, јобош, узакка чыдамкай болорын кийимди чилеп кийип алыгар.

Христостыҥ сӧзи ончо байлыгыла слердиҥ бойыгарда јӱрзин. Бой-бойыгарды ончо ойгорлыкла ӱредигер ле бӱдӱндиригер; јӱректеригерде Кайраканга алкыш-быйанду болуп, Ого сарындар, мак јаҥарлар, тыннаҥ берилген јаҥарлар айдыгар. Нени айдып эмезе нени эдип турганыгар, ончозын Иисус Христос Кайраканныҥ адына болуп эдигер, Ол ажыра Ада Кудайга алкыш-быйан айдыгар.

Мыныҥ ончозыныҥ ӱстине бойыгарга сӱӱшти кийигер, сӱӱш ончозын толо кеминде бириктирет.

Анайдарда, Христосло кожо тирилген болзогор, теҥеридезине, Кудайдыҥ оҥ јанында Христос отурган јерге, јӱткигер.

Јӱректеригерде Кудайдыҥ амыры башкарзын. Слерди Кудай кычырган, амырга болуп бир эт-кан эдип бириктирген ине. Алкыш-быйанду болыгар.

Оныҥ учун јердеги бойыгардыҥ эт-каныгарды ӧлтӱригер: балыр јӱретенин, быјарды, кычаны, јаман кӱӱнди, ачыркашты. Ачыркаш – ол чалуга бажырыш.

Слер ӧлӱп калганыгар, эмди слердиҥ јӱрӱмигер Христосло кожо Кудайдыҥ Бойында јабылган.

Эмди дезе, мыны ончозын кедери эдигер: чугулданышты, атыйланышты, ӧчти, керишти, багай куучындарды.

Бой-бойыгарга тӧгӱн неме айтпагар, слер јебрен кижини ончо керектериле кожо бойыгардаҥ алып, таштап койгоныгар. Слер бойыгарга јаҥы кижини кийип алдыгар. Бу јаҥы кижи Кудайды билип, бойыныҥ Јайаачызыныҥ сӱр-кеберине тӱҥейлежип, јаҥырып јат.

Эр улус, ӱйлеригерди сӱӱгер, олорды ачуркандырбагар.

Балдар, ада-энегерге ончозында сӧсуккур болыгар. Онызы Кайраканга јарап јат.

Ӱй улус, ӧбӧгӧндӧрӧӧргӧ багыгар. Кайраканныҥ алдында анайда эдери чын болор.