Popular Bible Verses from 1 Коринфтегилерге 12

Share

Је кажыбыста ла Тынныҥ эдип турганы ончобыска тузага болуп јат.

Слер де – Христостыҥ эди-каны, таҥынаҥ – ӱйелер.

Бир ӱйе шыралап турган болзо, оныла кожо ончо ӱйелер шыралап јадылар, бир ӱйе макталып турган болзо, оныла кожо ончо ӱйелер сӱӱнип јадылар.

Бир кижиге Тынла ойгорлыктыҥ сӧзи берилет, ӧскӧзине ол ло Тынла билгирдиҥ сӧзи берилет. Бирӱзине ол ло Тынла Кудайга бӱдӱп јӱрери берилет. Ӧскӧзине ол ло Тынла ооруны јазар јайалта берилет. Кезигине кайкалдар јайаар кӱч, кезигине судурлаары, кезигине тындарды ылгаштырары, кезигине ӧрӧртинеҥ тилдер, кезигине бу тилдерле айтканды јартаары берилет.

Је мыны ончозын бир ле Тын эдип, бу јайалталарды кажызына ла Бойыныҥ кӱӱнзегениле ӱлейт.

Эт-канда бӧлиниш болбозын деп, ончо ӱйелер бой-бойын теҥ кичеезин деп.

Јайалталар јӱзӱн-башка, је олорды бир Тын башкарат. Кудайга јалчы болуп јӱрери јӱзӱн-башка, је оны бир Кайракан башкарат. Кажызыныҥ ла эдип јӱргени јӱзӱн-башка, је мыны ончозын ончо улустыҥ бойында бир ле Кудай эдет.

Кудай Серкпеде, баштапкызында, апостолдорды туткан, экинчизинде – јарлыкчыларды, ӱчинчизинде – ӱредӱчилерди. Ӧскӧлӧрине кайкалдар јайаар кӱч берген, анайда ок ооруны јазар, болужар, башкарар, ӧрӧртинеҥ тилдерле айдар јайалталар берген.

Эт-кан бир ӱйедеҥ эмес, кӧп ӱйелердеҥ туруп јат.

Карын, эт-канда кӱч јок деп бодолып турган ӱйелер сыраҥай керектӱ болуп калат.

Ончо эт-кан кӧс болзо, ол канайып угар эди? Ончо эт-кан кулак болзо, ол канайып јыт алар эди? Је Кудай Бойыныҥ кӱӱнзегениле ончо ӱйелерди бир эт-канда кондырган. Ончозы бир ӱйе болгон болзо, эт-кан кайда болор эди?