Popular Bible Verses from 1 Коринфтегилерге 11

Share

Анайда ок курсак јигенниҥ кийнинде айакты да алып, айткан: «Бу айак – Мениҥ канымдагы јаҥы кереес. Бу айактаҥ кажы ла сайын ичсегер, Мени эске алыныгар. Кажы ла сайын бу калашты јип, бу айакты ичип турганыгарда, Кайракан келбегенче Оныҥ ӧлӱмин јарлап јадыгар».

Слерге бергенимди Кайраканныҥ бойынаҥ алдым: садып ийген тӱнде Иисус Кайракан калаш алып, алкыш јетирген, сындырала, айткан: «Алыгар, јигер. Бу – слерге сындырылып јаткан эди-каным. Мени эске алынып, анайда эдип јӱригер».

Кижи бойын ченезин, анайып бу калаштаҥ јизин, бу айактаҥ ичсин, нениҥ учун дезе, Кайраканныҥ эди-канын сананбай ичип-јип турган кижи бойыныҥ јаргызын ичип-јип јат.

Анайдарда, Кайраканныҥ бу калажын јип эмезе айагын ичип, мыны јарамыкту эмес эдип турган кижи, Оныҥ эди ле каны алдында бурулу болор.

Христостоҥ тем алып турганым чылап, менеҥ тем алыгар.