Popular Bible Verses from 1 Коринфтегилерге 13

Share

Сӱӱш узак чыдажат, быйан эдет, сӱӱш кӱйӱнбейт, сӱӱш мактанбайт, јакшыркабайт; улуска кату эмес, бойындыйын бедиребейт, ачынбайт, јаманды тоолобойт.

Не де болзо, сӱӱш ончо јаманды таштайт, ончозына бӱдет, јаантайын иженет, ончозын чыдажып ӧдӧт.

Сӱӱш јаманга сӱӱнбейт, ол чындыкла кожо сӱӱнет.

Эмди бу ӱчӱ јӱрет: бӱдӱмји, ижемји ле сӱӱш. Је олордыҥ эҥ јааны – сӱӱш.

Судурлаштар токтоп то калза, тилдер унчукпай да барза, билгир керек јок то болуп калза, сӱӱш качан да тӱгенбейт.

Улустыҥ да, ангелдердиҥ де тилдериле айдып турган болзом, је менде сӱӱш јок болзо, мен – шыҥыраган јес эмезе табыштанган кимвал.

Судурлаар јайалталу болзом, ончо јажыттарды билер болзом, меге ончо билгирлер берилген болзо, бӱдӱп, кырларды да јылдырып ийер аргалу болзом, је менде сӱӱш јок болзо, – мен не де эмезим.

Не барымды ӱлеп берзем, эди-канымды ӧртӧӧргӧ берип ийзем, је менде сӱӱш јок болзо, – бу меге кандый да туза экелбес.

Бала тужымда бала чылап айткам, бала чылап санангам, бала чылап шӱӱгем. Эр кемине једип келеле, бала тужымдазын артырып койгом.