Popular Bible Verses from Mataio 5

Share

Kare oki te tangata e tutungi i te lamepa, ka tuku atu ei ki raro ake i te aite, ei runga ra i te vairanga, kia mārama to te are katoa. Koia katoa to kotou mārama, kia kakā ïa ki mua i te aroaro o te tangata nei, kia akara ratou i ta kotou angaanga meitaki, e kia akameitaki ratou i to kotou Metua i te ao ra.

Ko kotou te mārama o te ao nei. Te oire i akatuia ki runga i te maunga ra, kare ïa e ngaro.

E ao to tei mā te ngakau: e kite oki ratou i te Atua.

E ao to tei pongi, e tei kaki i te tuatua-tika: e akakiia ratou

Te karanga atu nei ra au kia kotou, E aroa atu i to kotou aronga enemi, e akaora atu i tei tao mai; e takinga-meitaki atu i te aronga e makitakita mai ia kotou, e pure oki no te aronga e akakino mai e tei takinga-kino mai ia kotou

E ao to tei akaaka te ngakau: no ratou te basileia o te ao.

E ao to tei akamoeau: e karangaia ratou e tamariki na te Atua.

E ao to tei aue: e tarekarekaia ratou.

E ao to tei takinga-kinoia i te tuatua-tika ra: no ratou te basileia o te ao.

E ao to tei aroa ia etai ke ra: e aroa katoaia mai ratou.

E ao to kotou, kia akakino mai, e kia takinga-kino mai, e kia tapepe pikikaa ua mai te tangata ia kotou i te au kino katoa nei, noku nei: E rekareka kotou, e kia rere ua i te rekareka; e tutaki maata oki ta kotou i te ao ra: i pera oki ratou i te takinga-kino i te aronga peroveta, ko mua ïa ia kotou.

E ao to tei maru: e riro ia ratou te enua.

Ko kotou te tai no te enua: kareka kia mangaro te tai ra, eaa atura te mea e taitai ei? kua riro ïa ei mea puapinga kore, e akarukeia ïa, e takatakaiia e te vaevae tangata.

Kia apa kore oki kotou, mei to kotou Metua i te ao ra e apa kore.

Kia riro ra ta kotou Koia, ei koia; e ta kotou Kare, ei kare; e te vai atu rai te tuatua, no roto ïa i te kino.

Kua akarongo kotou e, i tuatuaia maira, E mata ra, ei mata ïa te tutaki, e nio ra, ei nio ïa: Te karanga atu nei ra au kia kotou, Auraka e akaoki atu i te kino: ko te moto mai i toou paparinga katau nei, e ariu katoa atu i tetai.

E te pekapeka na koe i toou mata katau, e koiti, e akaruke ke atu: e meitaki oki koe me mate tetai oou melo, i to kopapa katoa kia uriia ki roto i te po. E te pekapeka na koe i toou rima katau, e tipu, e akaruke ke atu: e meitaki oki koe me mate tetai oou melo, i toou kopapa katoa kia uriia ki roto i te po.