Popular Bible Verses from Abanya Fĩlĩpĩ 4

Share

Sĩmũhanga-hangaye emitima yenyũ, nĩkwa omo buli mwatsi mubwire Nyamuhanga obwaga bwenyũ, imukamusaba nʼerimuhatikana, imunemuha ewasĩngya.

Nʼobuholo bwa Nyamuhanga, Obũlabĩre amenge gosĩ, bwasyateya emitima yenyu nʼamaganĩrya wenyũ omwisi wa Kristo Yesu.

Ego, balĩkyetu, mũsũlaye amalengekanĩa wenyũ omo myatsi mibuya nʼeyangapipwa. Emyatsi eyo yeyĩ: ebyʼekwenene, ebyʼerĩsĩkĩbwa, ebitunganene, ebĩbũyĩrĩre, ebyanganzwa, ebyʼerĩsĩmwa.

Nyĩtokĩre erikola ebyosĩ busana nʼamaka wa Kristo oyũkanyĩtokesaya.

Mutseme omo migendere yenyũ busana nʼOmukama emigulu yosĩ; kandi ngababwira nyiti, Mutseme!

Nyamuhanga wage asyabaha ebyosĩ ebyo muli nabyo bwaga, kusangwa awite obuteke bunene buwe, obwʼerĩkangabasanĩa, obukabanika busana na Kristo Yesu.

Mubye mukakola emyatsi eyo mwiga, nʼeyo mwangirira ewage, kandi emyatsi eyo mowa, nʼeyo mwalolako ngakola. Neryo Nyamuhanga Omwenye Obuholo asyabya nenyũ.

Mũmĩnyĩkalaye eriyibombeka lyenyũ oko bandu bosĩ, Omukama ali hakũhĩ!

Nyĩnasĩ eribyaho omo bindu bike, kandi nyĩnasĩ eribyaho omwʼikanya lyʼebindu. Nabiriga erĩkũmbo liti, lye ritsema omo myatsi yosĩ nʼoko migulu yosĩ, namabya nyĩgũtĩre, kutse nyĩkwĩre enzala; kandi namabya ngwite bingi kutse eribulabyo.

Sĩndĩbũga nyiti ngabula kindu; kusangwa nabiriminya eritsema omo bike kutse omo bingi.