Popular Bible Verses from Abanya Kolosaĩ 1

Share

Kusangwa mwatusabula oko hamũlĩ yʼobwami bwʼomwĩrĩmya nʼerĩtũhũmĩrya omo bwami bwʼomugala wuwe mwanze.

Kusangwa Nyamuhanga mwahangika ebindu byosĩ omo byala bya Kristo, ebiri omo lubula, nʼebiri oko kihugo, ebindu ebikalolawako, nʼebindu ebitelolawako nomo angabya mami, kutse abakama, kutse abatabalĩ, kutse abʼehamũlĩ. Nyamuhanga mwahangika obuli kindu omo byala bya Kristo, na busana naye.

Kristo mwabyaho embere wʼemyatsi yosĩ, kandi omwisi wuwe emyatsi yosĩ ikawatana.

Kristo nĩ kĩsosekanĩo kya Nyamuhanga oyutelolawako. Kristo ni Mugala akambere, oyũlabĩre ebyosĩ byahangikawa.

Busana nʼomwatsi oyũ, tukabasabira ebiro byosĩ erĩtsũka ekiro towa engulu yenyũ. Tukasaba Nyamuhanga tuti abamĩnyĩsaye ndeke-ndeke erisonda liwe haguma nʼamenge gosĩ nʼerĩowa lyosĩ, ebyo Mũlĩmũ Abũyĩrĩre akatuha. Neryo imwasyatoka eri rendera ngoko Mukama anzĩre, nʼerikola ebiro byosĩ ebĩkamũtsemesaya. Kandi imwasyakanyirira erikola emĩbĩrĩ yosĩ mibuya ya Nyamuhanga, kandi imwamuminya ndeke kwilaba erĩmbere.