Popular Bible Verses from 1 Yoane 4

Share

Sihali eriubaha omo lwanzo; nĩkwa olwanzo olũhĩkene lukahiga eriubaha lyosĩ. Oyukubaha syalĩtahĩkana omo lwanzo, kusangwa eriubaha lĩkahĩka busana nʼerisuyirwa.

Bana bage balere, ĩnywe muli ba Nyamuhanga, kandi mwabĩrĩkĩnda abamĩnyererĩ bʼamabehĩ abo. Kusangwa Omũlĩmũ owali omwisi wenyũ ni mukulu, alengĩre ekĩrĩmũ ekiri omo bandu bʼekihugo.

Tukanza, kusangwa Nyamuhanga mwatsũka eritwanza.

Abanze betu, twanzane, kusangwa olwanzo lũkalũa uku Nyamuhanga. Obuli mundu Oyukanza, Nyamuhanga abirimubuta, kandi asĩ Nyamuhanga.

Oyutianza sialitaminya Nyamuhanga, kusangwa Nyamuhanga ni Lwanzo.

Olwanzo lolũ; butsira ambu ĩtwe twanza Nyamuhanga, nĩkwa iye mwatwanza, mwatuma Omugala wuwe eribya mbanulo busana nʼebibi byetu.

Abanze betu, Nyamuhanga amatwanza atya, netu litolere itwanzana.

Olwanzo lwa Nyamuhanga lwabiriminyikala ũkwʼĩtwe omo mwatsi ono, ati, Nyamuhanga mwatuma Mugala mubutwa muguma wuwe omo kihugo, itwatoka eribana engebe busana naye.

Omundu amabũga ati, Nyanzĩre Nyamuhanga, ĩnĩakakwa mũlĩkyabo yʼobusu ini mũbehĩ. Kusangwa Oyũtanzĩre mũlĩkyabo oyo abirilolako, siangatoka erianza Nyamuhanga oyo ate atalolako.

Kandi oyũkalĩga ati, Yesu ni Mugala wa Nyamuhanga, neryo Nyamuhanga amatikene naye, kandi naye amatikene na Nyamuhanga.

Kandi Kristo mwatuha ekihano ekĩ ati, Oyo wanzĩre Nyamuhanga, anze nʼomũlĩkyabo nibya.

Abanze betu, sĩmwĩkĩrĩraye obuli kĩrĩmũ, nĩkwa mulenge oko bĩrĩmũ byʼabandu erĩrebya nga bĩkalũa uku Nyamuhanga; kusangwa abamĩnyererĩ bangi bʼamabehĩ babiriyitsatsanga omo kihugo. Busana nʼekĩ mwasyaminya nga nĩ Mũlĩmũ wa Nyamuhanga: obuli mundu oyũkalĩgago ati, Yesu Kristo abĩrĩhĩka omo mubiri wʼabandu, awite Omũlĩmũ owakalũa ewa Nyamuhanga.

Nĩkwa obuli mundu oyũterĩga Yesu siawite Omũlĩmũ owakalũa uku Nyamuhanga. Ekĩrĩmũ ekĩ nĩ nzĩgũ ya Kristo. Nenyũ mwabĩrĩowa enzĩgũ eyo kwʼikasa, na lino ine omo kihugo.