Popular Bible Verses from Zabbuli 37

Share

Era sanyukiranga Mukama: Naye anaakuwanga omutima gwo bye gusaba.

Olugendo lwo oluyiringisizenga ku Mukama; Era weesigenga oyo, naye anaakituukirizanga.

Sirika eri Mukama, omulindirirenga n'okugumiikiriza: Teweeraliikiriranga lw'oyo alaba ebirungi mu kkubo lye, Olw'omuntu atuukiriza enkwe ez'obubi.

Weesigenga Mukama, okolenga obulungi; Beeranga mu nsi, ogobererenga obwesigwa.

Olugendo olw'omuntu lunywezebwa Mukama; Era asanyukira ekkubo lye. Newakubadde ng'agwa, talisuulirwa ddala wansi: Kubanga Mukama amunyweza n'omukono gwe.

Era anaayolesanga obutuukirivu bwo ng'omusana, N'omusango gwo ng'ettuntu.

Lekanga obusungu, ovenga mu kiruyi: Teweeraliikiriranga; okwagala obwagazi okuleta obubi.

Nali muto, kaakano nkaddiye; Naye sirabanga mutuukirivu ng'alekeddwa, Newakubadde ezzadde lye nga basaba emmere.

Teweeraliikiriranga lw'abo abakola obubi, So tokwatibwanga buggya ku abo abakola ebitali bya butuukirivu.