Popular Bible Verses from Zabbuli 34

Share

Mukama ali kumpi n'abo abalina omutima ogumenyese. Era awonya abalina omwoyo oguboneredde.

Nanoonya Mukama, n'anziramu, N'andokola mu kutya kwange kwonna.

Ebibonoobono eby'omutuukirivu bye bingi: Naye Mukama amulokola mu byonna.

Mulege mutegeere Mukama nga mulungi: Aweereddwa omukisa oyo amwesiga.

Baamutunuulira, ne balaba omusana: Era amaaso gaabwe tegaakwatibwenga nsonyi emirembe gyonna.

Abatuukirivu baakoowoola, Mukama n'awulira, N'abalokola mu nnaku zaabwe zonna.

Malayika wa Mukama asiisira okwetooloola abo abamutya, N'abalokola.

Va mu bubi, okolenga obulungi; Noonyanga emirembe, ogigobererenga.

Ziyizanga olulimi lwo mu bubi, N'emimwa gyo obutoogeranga bukuusa.

Amaaso ga Mukama galaba abatuukirivu, N'amatu ge gawulira okukaaba kwabwe.

Mumukuze Mukama wamu nange, Tugulumize erinnya lye fenna.