Popular Bible Verses from Okuva 7

Share

Mukama n'agamba Musa nti Laba, nkufudde Katonda eri Falaawo: era Alooni muganda wo alibeera nabbi wo.

Nange ndikakanyaza omutima gwa Falaawo, ne nnyongera obubonero bwange n'amagero gange mu nsi y'e Misiri. Naye Falaawo talibawulira, nange nditeeka omukono gwange ku Misiri, ne nfulumya eggye lyange, abantu bange abaana ba Isiraeri, mu nsi y'e Misiri n'emisango eminene.

Nabo Abamisiri balimanya nga nze Mukama, bwe ndigolola omukono gwange ku Misiri, ne mbaggyako abaana ba Isiraeri mu bo.

Falaawo naye n'alyoka ayita abagezi n'abalogo: era nabo abasawo Abamisiri ne bakola bwe batyo n'amagezi gaabwe ag'ekyama. Kubanga baasuula buli muntu omuggo gwe, ne giba emisota: naye omuggo gwa Alooni ne gumira emiggo gyabwe.

Bw'atyo Mukama by'ayogera nti Ku kino kw'olimanyira nga nze Mukama: laba, ndikuba n'omuggo oguli mu mukono gwange ku mazzi agali mu mugga, galifuuka omusaayi.

Falaawo bw'alibagamba ng'ayogera nti Mukoleewo eky'amagero: n'olyoka ogamba Alooni nti Twala omuggo gwo ogusuule wansi mu maaso ga Falaawo, gube omusota. Musa ne Alooni ne bayingira ewa Falaawo, ne bakola bwe batyo nga Mukama bwe yalagira: Alooni n'asuula omuggo gwe wansi mu maaso ga Falaawo ne mu maaso g'abaddu be, ne guba omusota.