Popular Bible Verses from 2 Bassekabaka 6

Share

Erisa n'asaba n'ayogera nti Mukama wange, nkwegayiridde, omuzibule amaaso ge alabe. Awo Mukama n'azibula amaaso g'omulenzi; n'alaba: awo, laba, olusozi nga lujjudde embalaasi n'amagaali ag'omuliro ageetoolodde Erisa.

N'addamu nti Totya: kubanga abali naffe bangi okusinga abali nabo.

Awo omuddu w'omusajja wa Katonda bwe yagolokoka enkya n'afuluma, laba, eggye n'embalaasi n'amagaali nga bazingizizza ekibuga. Omuddu we n'amugamba nti Zitusanze, mukama wange! tunaakola tutya?

Awo bwe baaserengeta gy'ali Erisa n'asaba Mukama n'ayogera nti Nkwegayiridde, ziba amaaso g'abantu bano. N'aziba amaaso gaabwe ng'ekigambo kya Erisa bwe kyali.

Omusajja wa Katonda n'ayogera nti Egudde wa? N'amulaga ekifo. N'atema omuti n'agusuulawo n'abbulukusa ekyuma.

Naye omu bwe yali atema omuti, embazzi n'egwa mu mazzi: n'akaaba n'ayogera nti Zinsanze, mukama wange! kubanga ebadde nneeyazike.

N'ayogera nti Gironde. N'agolola omukono gwe n'agikwata.