Popular Bible Verses from Ngeche 2

Share

nimar Ruoth Nyasaye ema chiwo rieko, kendo en ema opuonjo ng’eyo.

Wuoda, mak weche ma apuonji, kendo kan-gi e chunyi. Chik iti ni weche man gi rieko, kendo tem matek mondo iwinj tiendgi. Adier, dwar rieko, kendo many ng’eyo. Dware matek, mana ka gima idwaro fedha, kata ka gima idwaro mwandu moro mopandi. Ka itimo kamano, to ining’e tiend luoro Ruoth Nyasaye, kendo iniyud rieko ming’eyogo Nyasaye

Okonyo joma kare ma jo-adiera, kendo oritogi. En okumba mar joma timo ni jowadgi maber, kendo orito jogo ma opadore kuome.

Joma kare kendo modimbore ema nosik e pinywani. To Nyasaye noriemb joricho e piny, kendo nopudh joma timbegi mono gi lop tiendgi, mana ka buya mipudho e lowo.

Rieko noresi kuom dhako ma jamganga, ma temo ywayi gi weche mamit. En dhako ma ok oluoro chwore, kendo ma ok dew kuong’ruok mane okuong’orego e nyim Nyasaye.