Popular Bible Verses from Ngeche 3

Share

Gen kuom Ruoth Nyasaye gi chunyi duto, to kik igen kuom riekoni iwuon. Par Ruoth Nyasaye e gik moko duto mitimo, eka obiro nyisi yo makare monego iluw.

Kik iwe chunyi wuondi ni iriek, to luor aluora Ruoth Nyasaye, kendo bed mabor gi richo

Nyaka imi Ruoth Nyasaye duong’ gi mwanduni, kichiwone cham mabeyoe moloyo ma ikayo e puotheni. Eka dereni nopong’ gi cham mogundho, kendo iniyud divai mang’eny ma onge kama ikanie.

Kik iwe luoro kod adiera lalni, to tuegi e ng’uti, kendo ndikgi e chunyi.

Wuoda, kik icha kum ma Ruoth Nyasaye kumigo, kata kik iyi wang’ kokweri, nikech ng’ama Ruoth Nyasaye ohero ema ochiko, mana kaka wuoro chiko wuode mohero.

Wuoda, wiyi kik wil gi weche ma apuonji, to pile par gik ma anyisi mondo itim, nimar puonjna biro miyo idhi nyime maber, kendo idag aming’a.

Ng’at modoko mariek, kendo man gi ng’eyo en jahawi, nimar rieko ber moloyo fedha, bende en mwandu maduong’ moloyo dhahabu. Chutho, rieko ber moloyo kite ma nengogi tek. Onge gimoro amora maberie minyalo pimo kode.

Tim ni jochan maber e sa asaya minyalo.

Ruoth Nyasaye nochueyo piny gi riekone, kendo ne oketo polo kare kuom ng’eyo ma en go.