Popular Bible Verses from Ngeche 1

Share

Luoro Ruoth Nyasaye e chakruok mar rieko. Joma ofuwo to chayo rieko, kendo ok dwar puonjore. Wuoda, chik iti ni gik ma wuoru puonji, kendo kik idagi gik ma meru wachoni

Ji ma ok ong’eyo gik moko tho mana nikech gidagi rieko, kendo joma ofuwo rumo nikech ok gidew gik moko. To ng’ato ang’ata mowinjo wachna nodag gi kue ka onge gima oluoro.”

Ngechegi nyalo kata mana medo ng’eyo mar joma riek, kendo menyo yo ni joma nigi winjo

Wuoda, ka joricho temi, to kik iyienigi.

Magi e ngeche mag Solomon wuod Daudi, ruodh Israel, ma biro konyi ng’eyo rieko kod puonj maber, kendo winjo tiend weche matut. Ginyalo puonji dak gi rieko, kendo bedo jaadiera e yo makare kendo mowinjore. Bende ginyalo miyo joma ok ong’eyo weche mang’eny bed mariek, kendo gipuonjo joma tindo ng’eyo weche mopogore opogore.

E kinde ma un e thagruok kamano, unuluonga to ok anaduoku, bende unumanya kuonde duto, to ok unuyuda kamoro amora! Pile ne ok udwar rieko, kendo ne utamoru luoro Ruoth Nyasaye.