Popular Bible Verses from Eklesiastes 5

Share

Par maber ka pok iwuoyo, kendo kik irikni ka isingori ni Nyasaye. Nyasaye nie polo, to in inie piny, omiyo kik iwuo mathoth moloyo kaka owinjore.

Ka Nyasaye oguedho ng’ato gi mwandu, kendo omiye dak maber, ma oweyone kinde mondo ocham gigo, to onego obed mamor ka ochamogi. Mano bende en gima Nyasaye ema ochiwo.

Ka ihero pesa, to pesa ok noromi ngang’, bende ka igombo bedo jamwandu, to mwandu miyudo ok noromi, nikech mano en mana gima nono.

Bed motang’ ka idhi e od Nyasaye, nimar dhiyo kuno mondo ipuonjri, ber moloyo chiwo misango ka ng’at mofuwo ma ok ong’eyo gima ber gi gima rach.

Kuom mano, ka isingori ni ibiro chiwo ni Nyasaye gimoro, to tim kamano piyo, nikech Nyasaye ok mor gi ng’at mofuwo. Adier, tim gima isingori ni ibiro timo.

Ber ka ok isingori moloyo singori, to ok itimo.

Jachan pile nindo mamit, kata obedo ni ochamo gima tin kata mang’eny. Gik mang’eny ma jamoko nigo to miyo oparore, ma ok onyal nindo.

Waweyo pinyni gi lwetwa nono, mana kaka ne wabiroe. Kata obedo ni wasetiyo matek, mwayudo mwandu, to onge gimoro amora mwaago.