Popular Bible Verses from Eklesiastes 4

Share

Bedo ji ariyo ber moloyo bedo ng’at achiel, nikech ginyalo yudo pok maduong’ kuom tich ma gitiyo. Ka achiel kuomgi opodho, to machielo nyalo chungo wadgi. To ka ng’ato ni kende, mi opodho, to mano rach moloyo, nikech onge ng’at makonye.

Ka ng’ato ni kende, to ng’ato nyalo monje mi hewe. Ji ariyo to nyalo hewo ng’atno. Adier, tol mokadi didek, chodo tek.

Ka piny ng’ich, to ji ariyo nyalo nindo kaachiel mi bed maliet. To ere kaka inyalo bet maliet ka in kendi?

Mano nyalo bedo adier, to bedo gi chiemo moromo teng lwedo gi chuny mokue ber moloyo bedo gi chiemo moromo lwedo ariyo, to gi tich mang’eny maturi kayiem nono.

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Ng’ato nyalo wuok e dhier kata e tuech, mi bed ruodh pinygi. To kapo ni obedo mofuwo koseti, ma ok owinj rieko ming’adone, to ok oloyo wuowi ma jachan, man gi rieko.