Popular Bible Verses from Eklesiastes 3

Share

Gimoro amora ma timore e pinyni timore mana e kinde ma Nyasaye oseketone.

Nitie kinde mar nywol, gi kinde mar tho, kinde mar pitho, gi kinde mar putho, kinde mar nek, gi kinde mar chengo, kinde mar muko, gi kinde mar gero

kinde mar kuyo, gi kinde mar mor, kinde mar ywak, gi kinde mar miel, kinde mar keyo kite, gi kinde mar choko kite, kinde mar kwakruok, gi kinde ma ok kwakruokie

kinde mar yiecho gimoro, gi kinde mar bepo, kinde mar ling’, gi kinde mar wuoyo, kinde mar hera, gi kinde mar sin, kod kinde mar lweny gi kinde mar kue.

kinde mar dwaro gimoro, gi kinde ma gimoro lalie, kinde mar rito gimoro, gi kinde mar wito gimoro

Ang’eyo ni gimoro amora ma Nyasaye otimo siko nyaka chieng’. Ok inyal medoe gimoro, bende ok inyal goloe gimoro. Osetimo kamano mondo dhano oluore.

Ne awacho e chunya niya, “Nyasaye biro yalo joma kare gi joma richo machalre, nikech kata mana e piny mabiro, gik moko duto te notimre mana e kinde moketnigi.”