Popular Bible Verses from 彼得前書 3

Share

你等个心愛敬畏基督，尊佢做主。愛常常準備好勢，來回答別人个問題，就係關係你等心中个盼望； 總係愛用溫柔㧯謹慎个態度來回答。愛有清白个良心；恁樣，在你等受侮辱个時節，該兜譭謗你等个人，會因為你等做基督徒所表現个好行為，自家感覺見笑。

因為主看顧義人， 留心聽佢等个祈禱； 總係該兜作惡个人， 主就對佢等變面。

你等毋好講究外在个打扮，像愛樣般辮頭那毛，戴金鍊，著靚衫等。 應當有內在个靚，用毋會褪色个溫柔㧯恬靜來打扮；照上帝看，這係最有價值个。

像聖經所講： 麼人想愛享受人生， 希望過安樂个日仔， 舌乸就毋好講壞話， 嘴唇也毋好講花撩。 愛棄絕邪惡，盡力行善； 愛追求和平，煞猛去行。

總講，你等大家愛有共樣个心志㧯心情，像兄弟姊妹恁樣相惜，用慈愛㧯謙卑互相款待。 毋好用壞報壞，用辱罵還辱罵；顛倒，愛祝福，因為上帝呼召你等个目的係愛給你等承受祝福。

你等若係熱心行善，麼人會害你等呢？

愛棄絕邪惡，盡力行善； 愛追求和平，煞猛去行。

上帝个意思，若係愛你等因為行善來受苦，較贏因為作惡來受苦。