Popular Bible Verses from 彼得前書 2

Share

總係，你等係受揀選个一族，係王个祭司，聖潔个國，上帝个子民。上帝呼召你等離開烏暗，進入佢奇妙个光明，來宣揚佢奧妙个作為。

基督在十字架頂親身擔當𠊎等个罪，使𠊎等既然在罪惡上死，就為到公義來生。因為佢所受个鞭傷，你等就得到醫治。 以前你等像迷路个羊，總係這下已經回頭，跈等你等靈魂个牧者㧯監護人了。

你等以前毋係上帝个子民， 總係這下係佢个子民； 以前無得到上帝个憐憫， 這下已經得到佢个憐憫。

愛像正出世个孲𤘅仔，渴慕純淨个靈乳，使你等通過它來長大致到得救。

親愛个朋友啊，你等在世間係旅客，係避難个人！𠊎勸你等，毋好放縱肉體个情慾；情慾從來就係攻擊靈魂个。 在外邦人當中，你等應當有端正个品行，使該兜講你等壞話，責備你等做壞事个人，因為看到你等个好行為，在主再來該日，會歸榮光給上帝。

你等也愛像生个石頭，受建造成做屬靈个聖殿，在該位做聖潔个祭司，通過耶穌基督來獻上帝所歡喜屬靈个祭物。

所以，你等愛除掉一切个邪惡、詭詐、假冒為善、嫉妒，㧯一切譭謗人个話；

愛親近主，佢係生个石頭；雖然佢被人拒絕，總係上帝揀選佢，看佢做寶貝个。

你等愛做自由人！總係毋好用自由做邪惡个藉口；顛倒，你等愛做上帝个奴僕。

因為上帝个旨意係愛你等用好行為來塞死該班糊塗人無知个嘴。