Popular Bible Verses from 彼得前書 4

Share

最重要个係愛彼此熱誠相惜，因為愛惜正能遮蓋多多个罪。

既然逐儕係上帝各樣恩賜个好管家，就愛照所領受个種種恩賜，彼此服務。

講道个，愛照上帝个話來講；服務个，愛用上帝所賜个力量來服務，使萬項事攏總通過耶穌基督歸榮光給上帝。願榮光㧯權能全部歸給佢，直到永永遠遠！阿愐。

受苦若係因為做基督徒，毋好看做見笑，反轉愛因為有這個名稱來榮光上帝。

萬事个結局近了。你等愛謹慎節制，警醒祈禱。

親愛个朋友啊，你等堵到像火恁樣个考驗，毋使奇怪，像係堵到麼介希奇个事。 顛倒，你等應該將分擔基督个苦難看做快樂个事，好使你等在佢个榮光顯現个時來歡喜快樂。

大家愛彼此接待，毋好埋怨。

所以，該兜因為上帝个旨意受苦个人，愛一心行善，將自家交託該信實个創造主。

基督既然在肉體受苦，你等就應該用這種个心志裝備自家，因為在肉體上受過苦个人，佢同罪惡个關係已經切斷； 從今以後，你等在世間个日仔愛順從上帝个旨意，毋好再被人个慾望轄制。

你等若因為跈基督受侮辱，就有福氣了！這表示榮光个聖靈，就係上帝个靈，在你等个身上。