Popular Bible Verses from 彼得前書 1

Share

頌讚歸給𠊎等主耶穌基督个阿爸上帝！照佢个大慈悲，通過耶穌基督對死復活，佢將新个生命賜給𠊎等，使𠊎等有生个盼望， 來承受上帝為佢个子民所保留該豐富个福份。佢為你等保留在天頂个福份係毋會敗壞，毋會打垃圾，也毋會消失。

所以，你等愛大歡喜，雖然因為種種个試煉，你等這下可能暫時會有憂愁。 這係愛證明你等確實有堅定个信心。會消滅个金仔，還用火來煉；你等个信心比金仔過較貴重，當然還較愛受考驗來堅定，使你等在耶穌基督顯現該日得到稱讚、光榮，㧯尊貴。

呼召你等个上帝係聖潔个；你等也定著愛在一切所做个事上聖潔； 因為聖經講：「你等愛聖潔，因為𠊎係聖潔个。」

愛做聽從上帝个子女，毋好被私慾轄制，像你等頭擺戇檔無智識个時節恁樣。

所以，你等个心愛準備好勢；愛警醒，專心盼望耶穌基督顯現該時所愛賜給你等个恩典。

像聖經所講： 逐個人攏總像野草共樣， 佢等个榮華全部像野花； 草會枯燥，花會謝掉， 總係主个道永遠長存！ 這道就係該傳給你等个福音。