Popular Bible Verses from 約翰一書 4

Share

在愛底背無驚；完全个愛心能逐走一切个驚。所以，會驚个人就係無完全个愛心，因為驚㧯刑罰係連做一下个。

親愛个子女啊，你等係屬上帝个，也已經贏過假先知了，因為在你等底背个靈比屬世界个人底背个靈較有力量。

𠊎等愛，因為上帝先惜𠊎等。

親愛个朋友啊，𠊎等愛彼此相惜，因為愛心係對上帝來个。該有愛心个，係上帝所𫱔个，也認識上帝。

該無愛心个，毋識上帝，因為上帝就係愛。

這就係愛：毋係𠊎等敬愛上帝，係上帝惜𠊎等，差派佢个孻仔，為到𠊎等犧牲，贖𠊎等个罪。

親愛个朋友啊，既然上帝恁惜𠊎等，𠊎等也應該彼此相惜。

上帝差派佢獨一个孻仔 到世間來，使𠊎等通過佢得到生命；上帝用恁樣來顯明佢惜𠊎等。

若有人講「𠊎敬愛上帝」，還怨恨自家个兄弟姊妹，佢就係講花撩个人；佢既然毋惜該看得到个兄弟姊妹，就無法度敬愛該看毋到个上帝。

麼人公開承認耶穌係上帝个孻仔，上帝就在佢个生命底背，佢也在上帝个生命底背。

這係𠊎等對基督所領受个命令：敬愛上帝个，也應當惜兄弟姊妹。

親愛个朋友啊，一切个靈，你等毋好全部相信，一定愛察驗該兜靈係毋係對上帝來个，因為已經有盡多个假先知逐所在出現。 你等愛樣般認出係上帝个靈呢？麼人公開承認耶穌基督係成做肉身來个，麼人就有對上帝來个靈。

麼人毋公開承認耶穌，佢就無對上帝來个靈；佢所有个係該隻敵基督个靈。你等有聽過這個靈愛來，這下已經在世間了。