Popular Bible Verses from 約翰一書 3

Share

親愛个子女啊，𠊎等相惜，莫單淨用嘴講，應該用真實个愛心㧯行動來證明！

基督為到𠊎等犧牲生命，對這點，𠊎等就知麼介安到愛心。恁樣，𠊎等也應該為到兄弟姊妹犧牲生命！

你等看，天頂个阿爸樣般惜𠊎等！甚至稱𠊎等做上帝个子女；事實上，𠊎等就係佢个子女！世間人所以毋識𠊎等，係因為佢等毋識上帝。

繼續犯罪个，係屬魔鬼，因為魔鬼對起初就犯罪。為到這個緣故，上帝个孻仔顯現，目的就係愛毀滅魔鬼个工作。

凡上帝所𫱔个就毋繼續犯罪，因為上帝个生命 在佢等底背。既然上帝係佢等个阿爸，佢等就毋會繼續犯罪。

該有世上財寶个人，看到自家个兄弟姊妹有欠缺，竟然硬心毋搭佢，愛樣般講佢敬愛上帝呢？

遵守上帝命令个人，就在上帝个生命底背，上帝也在佢等个生命底背。𠊎等所以知上帝在𠊎等个生命底背，係因為佢所賜給𠊎等个聖靈。

上帝个子女㧯魔鬼个子女有盡明顯个分別：該毋遵行公義，毋惜兄弟姊妹个，就毋係上帝个子女。

你等對一開始所聽到个道理就係：𠊎等愛彼此相惜。

所以，兄弟姊妹啊，若係這世間个人怨恨你等，你等毋使看做希奇。