Popular Bible Verses from 約翰一書 2

Share

莫愛世界，抑係愛屬這世界个東西。人若愛世界，就毋會有敬愛天頂阿爸个心了。 一切屬世界个事物，可比肉體个情慾、目珠个情慾，㧯今生一切个驕傲，攏總毋係對天頂个阿爸來个，係對世界來个。

這世界㧯一切屬世界个情慾全部漸漸消失；總係，實行上帝旨意个人會永遠長存。

顛倒，該遵守上帝道理个人，佢對上帝个敬愛就正經得到完全了。自稱在上帝生命底背个人，應該照耶穌基督个言行來生活；恁樣，𠊎等正會有把扼講，𠊎等在佢个生命底背。

𠊎親愛个子女啊，𠊎寫這兜係愛喊你等莫犯罪；若有人犯罪，𠊎等有一個中保，代𠊎等對天頂个阿爸求情，就係公義个耶穌基督。

若有人講「𠊎認識佢」，總係毋遵守佢个命令，這樣个人係講花撩个，真理無在佢底背。

若係𠊎等遵守上帝个命令，𠊎等就知𠊎等認識佢。

若有人講佢生活在光明中，總係怨恨自家个兄弟姊妹，佢還係在烏暗中。

恁樣，麼人係講花撩个呢？就係否認耶穌係基督該儕人！這種人就係敵基督个；佢拒絕天頂个阿爸，也拒絕佢个孻仔。

凡拒絕孻仔个，就無阿爸；凡公開承認孻仔个，連阿爸也有了。