Popular Bible Verses from ƐFƐSUSI DIMA 5

Share

Dizugu ya kyɛ ka ya beebu ma'asiri la Naawunni ŋɔn bɛ seem la, dama u wuri ya hoo u biisi, ka biwuttigu kam ma'asiri la u ba. Ya kyɛ ka ya beesigu zaa kur nyɛ la wurilim, hoo Kirisita ŋɔn daa wuri ti ka zaŋŋi u maŋŋa m‑maali n‑tisi Naawunni, nti kyɛ ka ŋɔn Naawunni daa wum u sara wa nya'asim.

Anŋɔ zaa zugu, ya baŋŋma yan bɛ seem suŋŋasuŋŋa; di tumni gyɛrilim, amaa ka ya tumni yɛm tuma. Zuna muna - dabsibeeri saha nla, ka dizugu yan zaŋŋma ya saha zaa n‑niŋni suŋŋa.

Yan di nyuuri daam m‑bugra, dama galagala yɛla nŋɔa, amaa ya kyɛ ka Naawunni Siiya paali ya. Ya yuumni n‑tɔ'asiri n‑tiri taaba - Naawunni Litaafi la yuuma, ni pɛ'abu yuuma, ni yuunseesi Naawunni Siiya ŋɔn wulisi ya maa ka ya yuumna; ya sufu ni ka ya yuumni lala n‑tiri ti Dugma. Naawunni nyɛ la ti Ba; ya puusim u ‘taari’ bunseelikam zugu, ni sahakam, ti Dugma Yisa Kirisita Masiiya yuuri ni.

Dizugu yan di leebi gyɛra, amaa ya baŋŋma ti Dugma ŋɔn boori seem maa ka tumni lala.

Ya dɔppa muna - ya wuri ya pɔ'aba hoo Kirisita ŋɔn daa wuri u niriba seem, n‑zaŋŋi u maŋŋa n‑tisi ba zugu.

Dama ya daa bɛ la zibsim ni saha din gaari la, amaa pampaŋŋɔ ya yi bɛ la ti Dugma neesim ni. Ya kyɛ ka ya beesigu nyɛ la neesim dima dinni.

Ya tim Kirisita gyirima, ka wumni n‑tiri taaba#:

Pɔ'aba, ya wumni n‑tiri ya siridima kpaaŋŋu la, hoo yan wum n‑ti ti Dugma seem.

Amaa yarim gba, see ka ya sɔkam zaa wuri u pɔ'a hoo ŋɔn wuri u mammaŋŋa seem la, ka u pɔ'a maa mun nin ti u sira gyirima.

Ni, “Dinŋɔ zugu ka doo nin kyɛ u ba, ni u ma, ka di pɔ'a ka ba la'am m‑bɛ ni kaman bunni yinni.”

Yan di kyɛ ka ya la'am banŋɔ saani n‑tumni din taasiri zibsim yɛliyɔya na la, amaa ya yiisim tuma wa paalu ni n‑wulisi a beeri ŋɔn bɛ seem.