Popular Bible Verses from ƐFƐSUSI DIMA 6

Share

Dama ti bu moori ni ninsaalidima, amaa saazugu yiiko dima ka ti zabra, ni saazugu naam dima, ni seeba ban su duniya wa fukumsi ka bɛ la zibsim ni la - halli siseeba ban bɛ saazugu m‑mari yɛlibeeri yiiko la zaasa.

Ya mari wunsusigu sahakam, n‑susiri m‑bɛlimni Naawunni yan boori seelikam, Sii Kasi maa soori ni. Halli ya galima gɔgala gba, ni ya ti susira; yan bɛlimma u, ka teaai u u maŋtoori niriba zaa yɛla.

Ya yeema Naawunni gba'anu ka deaai u tɔppu neema zaa. Anŋɔ nin kyɛ ka ya nyaŋŋi Sintaani yɔmsigu putɔyam zaa.

Dinzugu ya deaam Naawunni tɔppu neema zaa, ka lala nin kyɛ ka ya tuusi dabsibeoo daari tɔppu la n‑zɛ deede; ka di zaa yi ti naai, ya nin nyɛ la ban nin kpalim n‑zɛ ya gbaya zugu.

M‑paasi, Sintaani nin tɔ ya bugum piima, see ka ya mari bunni n‑ta'ai a n‑kpiisi a - ya yɛdda niŋbu mun nla. Ka laa m‑pili soogyadima kutti zupiliga - di nyɛ la: tuliginsim din ta'ari ya; ka zaŋŋi takoobi n‑kyeera - Naawunni yɛligu maa ŋmanni la u Sii Kasi suu wa n‑ti ya.

Dizugu ya zɛ deede. Ya looma ya seaa suŋŋa - yɛlimaŋni maa nyɛ la ya lala sɛlooriga; ka zaŋŋi gba'anu n‑ta'ai ya nyaari - ya beesigu ŋɔn tuusi seem la nla. Ya pirima mugrikpeema - di nyɛ la: ya maalim siri ni ya mooli sufudoaa lahabasuŋŋu maa.

Di zaa nyaaŋŋa, ya kpamsim ya mansi ti Dugma saani, ka kyɛ ka u yiiko titaari bɛ ya saani.

Ni, “Tim i ba ni i ma gyirima.” - ya yi dɔlisi Litaafi zaalikpana n‑ti paai kanla, kana n di toonni ka mari nangbambasiri zaŋŋi n‑kyaŋŋi laara yɛla. Dama di laa n‑yɛtti, ni, “Lala ka i nin kpalim i nyɔvuri ni n‑yuui tingbaŋŋu maa ni.”

Biisi, ya wumni n‑tiri ya ba ni ya ma dima, ti Dugma zugu; dama dinŋɔ n nyɛ din tu.