Popular Bible Verses from ƐFƐSUSI DIMA 4

Share

Amaa ka ya wuri taaba, ka mari nirilim ni taaba, n‑zɔri taaba namboo, ka kyɛri taaba taalli hoo Naawunni ŋɔn kyɛ ya taalli m‑pɛŋŋi ya seem la, Kirisita zugu.

Ya bɛ baalimm n‑sigsi ya mansi, m‑mari sugru ni taaba, ka kyɛri taaba taalli wurilim zugu.

Yan di tɔ'asiri yɛttɔ'abeeri; ya tɔ'asim yɛttɔ'asuma an nin suŋŋi yan tɔ'asiri n‑tiri seeba maa, ni seelli din nin niŋi ba anfaani.

Ya yim putoo ni, ni sufu yisigri ni sufugyeaa zaa ni, ni yɛttɔ'abeeri ni nyaanzum ni; halli ya kyɛli yɛlibeeri zaa yɛla.

Ni, “Halli ni ya sufu yi yisigi, yan di tum putoo.”; yan di kyɛ ka ya sugyeaa yuui halli ka wuntaŋŋa ti lu. Yan di tiili dariga n‑ti Sintaani.

Ba daa wulisi ya, ni, yan daa nyɛ ninvugseeba sahanseaa la, lala niriba daa bɛ la baasiyɔri soori ni, kɔribeeri ni yɔmsa zugu; ni, ya zaŋŋma lala ninvugkura beesigu maa m‑basi. Ni, ka kyɛ ka ya teesa leebi teesipaala. Ni, ka lala ya nin maali n‑naam n‑leebi ninvugpaala Naawunni zugu. Halli ya nin leebi ninvugveela, yɛlimaŋni dima kasikasi.

Ya kpaŋŋma ya mansi m‑mari nangbanyinni, hoo Naawunni Sii maa ŋɔn yi zaŋŋi u bansi m‑ba ya ni taaba.

Din pa, ni, ‘u daa zaŋŋi piini n‑tisi’: di mun gbinni nyɛ la bɔa? - ni, ŋɔna n daa ti seeba tuumudima tuma, ka laa n‑ti seeba anabi tuma, seeba mun moonni la lahabasuŋŋu maa, seeba yaasa n niŋi kpamma ni karimbadima. Ba deaari la piini wa, ni ba ti sɛ'asi Naawunni niriba ni ba tumna, ka Kirisita ningbiŋŋu maa nin ti mɛa. Halli nti paai sahanseaa ti zaa ŋɔn ti ya niŋi nangbanyinni ti yɛdda niŋbu maa ni, ka naayi baŋŋi Naawunni Bii maa yɛla. Lala ka ti nin kyɛ biilim n‑la'am n‑leebi ninvugkurigu m‑bɛ hoo Naawunni ŋɔn boori zaa, ka naayi ŋmanni la Kirisita ŋɔn bɛ seem la zaa.

Ka ti ku laa n‑nyɛ bileesi, ti ku laa n‑dɔli wulisigu balibubalibu hoo pɛsigu ŋɔn zɛ ti yɔriyɔri seem; ti ku laa n‑kyɛ ka yɔsimyɔmsiriba nin ma'ai ti ziri n‑yɔmsiri ti. Ay! - Ti nin lee n‑yɛtti yɛlimaŋni, wurilim zugu. Ti nin zoaai na m‑paai ŋɔn Kirisita ŋɔn sa'ai seem, dama u nyɛ la ti zaa zuguraana.