Popular Bible Verses from Hebrewnee 13

Share

Lhig da’n ymmyrkey‐bea eu ve fegooish saynt; as bee‐jee booiagh lesh lheid as t’eu: son t’eh er ghra, Cha vaag‐ym, ny cha dreig‐ym oo dy bragh.

Yeesey Creest yn er cheddin jea, as jiu, as son dy bragh.

Shen‐y‐fa fod mayd dy creeoil gra, Ta’n Chiarn my er‐coonee, as cha bee aggle orrym jeh ny oddys dooinney y yannoo rhym.

Agh dy yannoo mie, as dy rheynn [er ny boghtyn], ny jarrood‐jee: son lesh lheid ny ourallyn ta Jee er ny yannoo booiagh.

Liorishyn er‐y‐fa shen lhig dooin dy kinjagh chebbal gys Jee oural dy voylley, ta shen, mess nyn meillyn, coyrt booise da e ennym.

Ta poosey onnoroil ayns ooilley, as y lhiabbee gyn‐loght: agh maarderee as adsyn ta brishey‐poosey nee Jee briwnys.

Ny jarrood‐jee dy choyrt oltagh‐bea da joarreeyn: son liorish ta paart er choyrt oltagh‐bea da ainleyn gyn‐yss daue hene.

Nish dy jean Jee ny shee hug lesh reesht veih ny merriu nyn Jiarn Yeesey, ard‐vochilley ny geyrragh, trooid fuill y chonaant dy bragh farraghtyn, Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.