Popular Bible Verses from Jamys 1

Share

My vraaraghyn, jeeagh‐jee er myr oyr dy ard‐voggey tra huittys shiu ayns caghlaghyn dy heaghyn; Toiggal shoh, dy vel prowal nyn gredjue gobbraghey meenid.

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Shen‐y‐fa, my vraaraghyn ghraihagh, lhig da dy chooilley ghooinney ve arryltagh dy chlashtyn, lhiastey dy loayrt, moal gys corree

Agh cur‐jee slane raad da meenid dy yannoo e obbyr hene, dy vod shiu ve slane ynrick, gyn ve ergooyl ayns nhee erbee.

Agh bee‐jee shiuish jeantee jeh’n goo, as cha nee ny lomarcan clashtyn rish, molley shiu hene.

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

Son my ta fer erbee ta clashtyn y goo, as gyn dy yannoo eh, t’eh casley rish dooinney cur‐my‐ner yn eddin dooghyssagh echey ayns gless. Son yeeagh eh er hene, as hie eh roish, as chelleeragh yarrood eh cre’n keint dy ghooinney v’eh.

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane‐treoghe ayns nyn seaghyn, as dy reayll eh hene glen veih broïd y theihll.

Ny lhig da dooinney erbee gra tra t’eh er ny violaghey, Ta mee miolit liorish Jee: son ta Jee erskyn miolagh gys olk, chamoo t’eh miolaghey dooinney erbee. Agh ta dagh dooinney miolit, tra t’eh er ny hayrn ersooyl liorish e haynt hene, as cleaynit.

Lhig da’n braar jeh stayd injil goaill boggey ayns dy vel eh er ny hroggal seose