Popular Bible Verses from Romaanos 13

Share

Pet aʼetz laʼ ebʼan kam u bʼaʼnla txumbʼal ibʼan u quBʼaal JesuKriisto, eche laʼ ibʼan vaʼq xaol uvaʼ laʼ toksa u toksaʼm, tiʼ ikʼutxhtaʼ kam xaolil. Pet jit aʼ laʼ elk etaanima tiʼ ibʼanax kam inqʼa oʼtla txumbʼal tetz bʼano paʼv kʼaqel taʼn. Tul yeʼ laʼ etaqʼ etibʼ ibʼekʼ inqʼa kantxhaqla atxhaʼv tetz vetxhiʼoʼl.

Yeʼ ekuy ikaj etxʼoq xeʼ emol tiʼ puaq. Tul atoqxh sekʼuul ibʼanax u bʼaʼnil te vemol, eche laʼ tatin vetxʼoq sekʼuul uvaʼ at xeʼ vaʼq emol. Tul at kuxh sekʼuul uvaʼ laʼ etaqʼa. Tan jaʼl uvaʼ taanimaxh nik tzajk visaʼt vimol, tul eela kuxh vete s-tuchʼ uvaʼ, aʼ vet inqʼa bʼekʼbʼal s-kaqaayil nik inima.

Tul jankʼal inqʼa niman tetz Jesuus, laʼ toksa tibʼ tiʼ inimal inqʼa iqʼesalaq itenam. Tan jit loqʼs koq kuxh at inqʼa iqʼesal, pet quBʼaal Tiuxh nik saʼon s-tiʼ. Atz quBʼaal Tiuxhe nik kuyun tok siqʼesalil.

Iletz vet inqʼa qʼij nik imotx s-qe tiʼ qatin vatz u txʼavaʼ. Tan ech nik ibʼan, eche nik ipal paʼl tuulbʼal u aqʼbʼal, tul nal kuxh nik isaqbʼ veteʼ. Echetz tanbʼavaq ibʼanax inqʼa kantxhaq, eche uvaʼ nik ibʼan inqʼa xaol tu tokto. Tul maqvaq taqʼonv Satanaas sekʼatza tiʼ ebʼant inqʼa kantxhaq. Pet aʼ ebʼan u bʼaʼn, eche nik ibʼant inqʼa xaol vaʼq bʼaʼnla aqʼon s-qʼiil. Ech ebʼan, eche nik ibʼan vaʼq sol uvaʼ nik toksa kolbʼal tziʼ taanima tiʼ imaqax uvaʼ nik ibʼan txhʼaʼo s-tuchʼ.

Tan oq at qaanima tiʼ u qumol, tul saʼetz koq kuxh qubʼan yeʼbʼaʼn s-te. Echetz jaʼl uvaʼ atxh taanima tiʼ vimol, tul aʼetz nik inima vete jankʼal inqʼa nik tal inqʼa bʼekʼbʼal.

Tul txhojvaq kam uvaʼ, tetxhal laʼ etxhoja nik talax sete. Oq nik ijaq jaʼmil ornaato sete, tul txhojvaq. Oq nik ijaq u iiva sete, tul txhojvaq. Oq at tiqleʼm viqʼesal, tul kʼutxhvaq s-te uvaʼ at tiqleʼm sevatz. Oq at invaʼq iqʼesal uvaʼ ikʼulel laʼ oksal iqʼij, tul oksavaq iqʼij.