Popular Bible Verses from Romaanos 14

Share

Tan aʼ vibʼant u quBʼaal Tiuxh iqʼesalil tu qaanima, aʼe, uvaʼ, aʼ laʼ qubʼan u jikla txumbʼal taʼn viTiuxhil Tiuxh. Atz tibʼaʼnil laʼ atink oʼ taʼn; atz laʼ chiibʼ oʼ taʼn. Pet jit tiʼ kam laʼ qetxhbʼu; atz jit tiʼ kam yeʼ laʼ qetxhbʼu; atz jit tiʼ kam uvaʼ laʼ qukʼa; atz jit tiʼ kam uvaʼ yeʼ laʼ qukʼa. Jaʼletz uvaʼ ech nik ibʼane, aʼetz u Kriistoe nik inima. Tul quBʼaal Tiuxhetze nik ichiibʼisa. Tul atetz tatin vatz inqʼa imol laʼ ibʼan paqte.

Pet tuulbʼal uvaʼ itzʼlel oʼ, tul aʼ itzʼlel oʼ tiʼ toksal iqʼij quBʼaal Tiuxh. Atz tuulbʼal uvaʼs laʼ qukameʼ, tul aʼ laʼ kamk oʼ tiʼ toksal iqʼij quBʼaal Tiuxh. Echetz oʼ tetz Tiuxh, u quBʼaal, kʼuxh itzʼlel oʼ, atz kʼuxh uvaʼs laʼ qukam veteʼ.

Echetz qaqʼvaq yaʼl tiʼ ibʼanax uvaʼ nik iqʼon tzaan u bʼaʼnil s-quxoʼl. Echetz laʼ qulotxht qibʼe tiʼ quchʼij kʼatz u quBʼaal JesuKriisto.

Echetz yeʼxhabʼil ex laʼ tal vet tibʼ yol setiʼ sevatzaq. Pet aʼ ekʼaqvat etibʼ tiʼ yeʼ ibʼanax u yeʼbʼaʼn, atz jit kuxh aʼ, ex laʼ maqon tok bʼen vemol tiʼ inimal viyolbʼal quBʼaal Tiuxh, eche laʼ ikuʼ vaʼq kam tibʼey vaʼq xaol, atz laʼ ikʼ s-tiʼ.

Tan at val u yol uvaʼ tzʼibʼamal ka t-viyolbʼal quBʼaal Tiuxh tiʼ kam laʼ elkaʼp inqʼa palsan yol. Tan ech nik tal s-eche: — «Tetxhal laʼ iqajbʼa tibʼ jankʼal inqʼa xaol sinvatz. Atz laʼ tal inqʼa xaol uvaʼ ine, u Tiuxh. Tul tetxhal kuxh laʼ ibʼana, tan in nik alon, in, uvaʼ itzʼlel in s-bʼenamen,» xeʼt quBʼaal Tiuxh, —chich u yol. Echetz nik valte sete uvaʼ jununil oʼ laʼ pal qal inuqul vatz quBʼaal Tiuxh tiʼ kam qat qubʼana, atz kam yeʼ qat qubʼana. Tan aʼ quBʼaal Tiuxh laʼ alon yol s-qiʼ.

Kʼulvaq inqʼa niman tetz Jesuus tibʼaʼnil, kʼuxh kaʼl kuxh ikʼuul tiʼ inimal vaʼq kam vatz quBʼaal JesuKriisto. Tan yeʼ kʼuqlel ikʼuul s-tiʼ oq bʼaʼn vatz quBʼaal Tiuxh, atz maq yeʼbʼaʼn vatz quBʼaal Tiuxh. Tul yeʼ laʼ eteesa iqʼij inqʼa niman tetz Jesuus tiʼ inqʼa kam oq yeʼ laʼ ikʼul tibʼ eyol s-tuchʼ tiʼ kam vaʼq nimaʼm.

Echetz yeʼxhabʼil invaʼq laʼ alon yol tiʼ u taqʼonvil vimol tiʼ kam uvaʼ nik ibʼaneʼ, tan jit taqʼonvil. Tan aʼ u bʼaal aqʼon ootzaqin tetz kam tatin u taqʼonvil s-vatz. Atz kʼuxh u quBʼaal Tiuxh, tan tootzaql u taqʼonvil jabʼistee uvaʼ bʼaʼn nik ibʼaneʼ, atz jabʼistee uvaʼ kantxhaq nik ibʼaneʼ. Tan aʼ u quBʼaal Tiuxh laʼ lotxhon tuchʼ viyakʼil. Tul yeʼ laʼ elka tiʼ inimal jabʼiste uvaʼ nik isaʼ quBʼaal Tiuxh.