Popular Bible Verses from Evreeos 4

Share

Tan sibʼ itxakunbʼal viyolbʼal quBʼaal Tiuxh tiʼ u qatin vatz qʼij saq. Tan tetxhal nik toleʼv tiʼ teleʼl u paʼv s-qukʼatza. Tan sibʼ palnaʼq viyolbʼal quBʼaal Tiuxh viʼ invaʼq espaada uvaʼ kaʼvaʼl tej uvaʼ nik toleʼv tiʼ itzokʼox invaʼq kam. Tan nik toleʼv viyolbʼal quBʼaal Tiuxh tiʼ ikʼutxhux s-qe kam at tu qaanima, atz kam at tu qaanxelal, eche laʼ ijutxhʼil bʼen invaʼq espaada tuul inqʼa kʼulbʼal tibʼ bʼaq, tetxhal tokaʼp kʼatz u tuul bʼaq. Tan tootzaql viyolbʼal quBʼaal Tiuxh kam inqʼa nik qitzʼa, atz kam nik tal u qaanxelal.

Echetz yeʼ quxoʼva qujetxhon ok kʼatz quBʼaal Tiuxh tiʼ itxhokox vibʼaʼnil. Tan een taqʼil u kuybʼal kʼatz quBʼaal Tiuxh. Echetz laʼ itxumt quBʼaal Tiuxh quvatze, atz laʼ taqʼ vibʼaʼnil s-qe, tul laʼ ilotxh oʼ, kʼuxh kamxh qʼiil laʼ saʼon lotxhbʼal s-qe.

Tan aʼ vet u quBʼaal JesuKriisto iqʼesal oksan quyol vatz quBʼaal Tiuxh uvaʼ nik natxhon kam inqʼa nik qupal s-tuul. Tul tootzaq quBʼaal JesuKriisto kam inqʼa yeʼ nik qutxʼol qupal s-tuul, atz yeʼl quyakʼil tiʼ qumaqt qibʼ tiʼ yeʼ ibʼanax inqʼa paʼv. Tan txhokoxat ikuʼ quBʼaal JesuKriisto t-kamxh paʼvil, poro yeʼ paʼvini.

Tan mij invaʼq uvaʼ iviinqixsa quBʼaal Tiuxh uvaʼ yeʼ koq naʼl s-vatz. Pet jankʼalxh inqʼa iviinqixsa quBʼaal Tiuxh vatz u txʼavaʼ, tan tira veqlelxh s-vatz. Tan jankʼal s-kaqaayil tzanlel el vatz quBʼaal Tiuxh, u quBʼaal Tiuxh uvaʼ tetxhal laʼ bʼen qal inuqul inqʼa yol s-vatz tuulbʼal invaʼl qʼij.

Echetz yeʼ qutanbʼa inimal u quBʼaal Jesuus, viKʼaol quBʼaal Tiuxh, tan aʼe u mam iqʼesal oksan quyol vatz quBʼaal Tiuxh. Tan aʼ uvaʼe, qat oleʼv tiʼ ibʼen jaʼ tu amlikaʼ. Echetz aʼxh txeyoq qaʼn inimal inqʼa bʼaʼnla txhaq yol tiʼ Jesuus uvaʼ nik qaleʼ.

Qubʼanvaqetz yaʼl tiʼ qok s-tuul tiʼ u ilanchil. Echetz yeʼxhabʼil laʼ el t-bʼey tiʼ vipalsan yolil, eche uvaʼ ibʼan inqʼa kʼuy qumam s-naʼya.