Popular Bible Verses from Evreeos 5

Share

Pet jatvaʼletz inqʼa txhabʼamal vet tiqʼol viyolbʼal quBʼaal Tiuxh taʼn, tan aʼetz inqʼae, at vet itxumbʼal tiʼ ibʼen s-te jabʼistee u bʼaʼn, atz jabʼistee u kantxhaq vatz quBʼaal Tiuxh. Tul tootzaqle kam laʼ ibʼan txhaqpaq tiʼ inqʼa tatineʼ. Aʼetz inqʼae qʼest vet tatin vatz quBʼaal Tiuxh, eche tatin inqʼa qʼesla xaol uvaʼ txʼix vet nik tetxhbʼu.

Tan aʼ vet ekʼulel uvaʼ, aʼ koq vet ex laʼ txhusun ex, tiʼ uvaʼ naʼy tzaan etok s-niman tetz Jesuus. Pet aʼe tan, aʼ tel kuxh nik esaʼeʼ uvaʼ ant koqxh oʼ txhusun tel ex; tul ant koq kuxh qutxhus sete inqʼa iyolbʼal quBʼaal Tiuxh uvaʼ bʼaxaxh qutxhustaʼ. Tan ech tel kuxh etatin nik ebʼan, eche invaʼq neʼ uvaʼ taʼl txhʼuʼ tel kuxh isaʼ, tul aʼ vet ikʼulel uvaʼ txʼix vet laʼ tetxhbʼu. Echetz jatvaʼl inqʼa aʼ koq kuxh qutxhus s-te inqʼa txhusel vet s-te qaʼn nik taleʼ. Tan aʼ yeʼ nik motx topoon tiʼ tootzaqileʼ jabʼistee uvaʼ laʼ motx ibʼan tiʼ tatin vatz quBʼaal Tiuxh, maq aʼ u bʼaʼn, atz maq u yeʼbʼaʼn. Tan ech kuxh tatin, eche vaʼq neʼ uvaʼ taʼl txhʼuʼ tel kuxh isaʼ.

Kʼuxhetz iKʼaolichxh quBʼaal Tiuxh u quBʼaal JesuKriisto, poro tetxhal kuxh pal t-vitzaʼlal, tul tetxhal kuxh nimal u quBʼaal Tiuxh taʼn. Tetxhal ex itzoqpisa inimal u quBʼaal Tiuxh. Maʼtichetz inimat vet quBʼaal Jesuus kaqaayil viyol viBʼaal, yaʼne aʼ vet quBʼaal JesuKriisto bʼen s-aqʼol tetz chitpichil te inqʼa xaol tiʼ inqʼa ipaʼv. Tul yeʼletz vet iyaʼebʼal imotxebʼal u chitpichil t-inqʼa paʼv vatz quBʼaal Tiuxh, te jatvaʼl inqʼa xaol laʼ niman quBʼaal Jesuus.

Tul inatxh quBʼaal Jesuus Tiuxh uvaʼs atich vatz txʼavaʼ tuchʼ vitxhiʼoʼl uvaʼ atich ikamebʼal, tul tira nikich ijaq vaʼl kam te quBʼaal Tiuxh tuchʼ mam oqʼel, atz tuchʼ mam txumuʼm, tan tootzaqliche uvaʼ taʼn kuxh quBʼaal Tiuxh laʼich kolon tiʼ yeʼ ipal tu kamchil. Tul abʼil viyol quBʼaal Jesuus taʼn quBʼaal Tiuxh, tan aʼ ibʼan kam uvaʼ tal quBʼaal Tiuxh s-te, atz tiʼ uvaʼ atich tiqleʼm quBʼaal Tiuxh s-vatz tuulbʼal uvaʼs atich vatz u txʼavaʼ.