Popular Bible Verses from 2 Timoteeo 2

Share

Pet bʼan yaʼl, tiʼ uvaʼ axh vaʼl jikla xaol laʼ til quBʼaal Tiuxh. Tul bʼan yaʼl, tiʼ uvaʼ bʼaʼn axh vatz quBʼaal Tiuxh laʼ abʼana. Echetz axh, eche vaʼl bʼaʼnla aqʼonvil uvaʼ yeʼxhkam vaʼq s-tiʼil laʼ chʼixvisalika. Tul aʼxh atxhus viyolbʼal quBʼaal Tiuxh s-bʼaʼn, tan aʼe vinuqul.

Xaʼtetze nik val see uvaʼ tira jetxheʼl eebʼ kʼatz inqʼa kantxhaqla atxhaʼv uvaʼ tzʼeʼyxh inqʼa chelem tiʼ ibʼanaxeʼ. Pet aʼ okk bʼen axh tiʼ ibʼanax u jik. Tul kʼuqbʼa akʼuul tiʼ quBʼaal Jesuus. Atz atoqxh avaanima tiʼ quBʼaal Jesuus, atz tiʼ inqʼa amol. Tul tibʼaʼnil laʼ avatin xoʼl inqʼa niman tetz Jesuus, inqʼa aʼ at t-taanima ibʼanax inqʼa jikla txhaq kam. Tul nuqxh nik tal tiʼ inatxhax quBʼaal Jesuus.

Tan jit kuxh txhokol txhʼaʼo u bʼanol taqʼon quBʼaal Tiuxh laʼ ibʼana. Pet aʼ laʼ ibʼan uvaʼ bʼaʼnxh itxumbʼal laʼ ibʼan te inqʼa xaol s-kaqaayil. Atz tootzaqxh vet itxhusux viyolbʼal quBʼaal Tiuxh. Tul laʼ ikotxʼ ivatz xoʼl inqʼa xaol.

Atzoqetz jit kʼuqlebʼ kʼuul oʼ tiʼ inimal quBʼaal JesuKriisto, tul oʼetz kuxhte s-qujunal. Pet u quBʼaal JesuKriisto, tan kʼuqlebʼ kʼuul tiʼ inimal kam inqʼa iyol uvaʼ alel taʼn. Tul yeʼl paqul laʼ ijalpu u quBʼaal Jesuus viyol, —chiche.

Tul jit tuchʼ yaj, pet tuchʼxh bʼaʼnil laʼ toksavat inqʼa xaol t-bʼey, inqʼa aʼl nik ikʼulelan tiʼ inqʼa bʼaʼnla txhaq yol tiʼ Jesuus. Tan oq quBʼaal Tiuxh laʼ saʼon, tul laʼ titzʼa tibʼ, atz laʼ ijalpu vitxumbʼal. Tul laʼ tootzaqi inuqul viyolbʼal quBʼaal Tiuxh.

Tul yeʼl axh laʼ ok bʼen axh tiʼ inqʼa xaol, inqʼa nik alon kantxhaqla yol, atz inqʼa yeʼxhkam laʼ taqʼa. Tan jabʼiste inqʼa xaol, inqʼa ech nik ibʼane, aʼetz inqʼae, aalemal teesat ka tibʼ tiʼ quBʼaal Tiuxh.