Popular Bible Verses from Èfɛ́sì ŋa 4

Share

È náa wà tsɔ̀nyà, tsí e wà gbɔ́ ɖíɖɔ̃̀ fú ara-ŋɛ́ ŋa gbo. Bí ɔ̀nyà-kã̀ tɛ enìkéèdzì‐ɛ̀ nɛ́sɛ̀, ɛnɛ nyɛ̀ŋɛ̀ kó ń tɔrɛ fúu kíbí Ɔ̀ɖáyé gbo tse àtsùgbé-Kírísítò, tsí mú àbi-ŋɛ́ ŋa, tsí ń tɔrɛ fú ŋɛ́#ɛ́.

È náa wà tɛ ara-ŋɛ́ bɔlɛ̀ kpó, tsí e wà nɛ́ àtɛ̀si gbo. È máa wà tse ìkparà. Ó ɖi, bí ìnàbí-kã̀ wà nɔ́ɔ̀kã̀ gìɖì oo, è náa gbódzú, tsí e tɔ́wɔ́ gbàá òŋu àmúɖɔ̃̀.

È máa wà fɔ afɔ̀-íbàɖí ŋa fùɖá nárũ-ara-ŋɛ́ ŋa ró. Kà kàa bɛ́ɛ̀, è náa wà fɔ afɔ̀ yèé ŋa nákó dzì ńǹɖì‐ɛ̀ fú ɔ̀nyà ŋa rere#ɛ́, àtsùgbée bí à wà gbɔ́ɔ, ni kó nɛ́ èrè fú ŋa.

È máa dzɛ́ ɔ̀nyà kíkorò. Inɔ́ kó máa wà sɔ ŋɛ́ tsúù ró, è máa wà bínɔ́ gbo ró. È máa wà rã́ã̀rã̀ gbo ró, tsí è máa wà búnɛ gbo ró. È máa tì tse iŋɛ́-inɔ́-kíkã-kã̀ kpókpó gìɖì ró. Fee, è ɖɛ̃lɛ̀, tsí e mú ìlò nyɛ̀ŋɛ̀ ŋa kpó, tsí e ń rì.

Bí è bínɔ́, è náa tsɔ́ éwo-ara-ŋɛ́, tsí e máa tse íbàɖí, odzúùrɔ̃̀ kó máa mù si ńǹtá-inɔ́ bíbí-ŋɛ́. È máa dzɛ́ fú Ètsù†, tsí kó tì rí kàlànfuru-kã̀ gìɖì nára-ŋɛ́.

À tsɛ̀kɔ́ fú ŋɛ́ ní ìlò yèé ŋa è náa lò dzɔ̀ɔ́ dzɔ̀ɔ́#ɛ́, e kɔ̀ ŋá dzɔ̀ɔ́. Ìrɔ́-ɔ̀nyà yèé è dzɛ́ dzɔ̀ɔ́ dzɔ̀ɔ́#ɛ́ ní náa sɔ́ ŋɛ́, tsí è náa wà lìlò nyɛ̀ŋɛ̀ ŋa#á, tsí awù yèé è náa nɛ́ ŋa#á, à rú ŋɛ́, tsí fà ŋɛ́ lɔ nɛ́ɛ̀rá gbo. Ó wà ní e kɔ ara-ŋɛ́ dzɔ̀ɔ́ fú Ɔ̀ɖáyé, tsí kó kparɔ ìsérè-ŋɛ́ ti títí ńnɔ́-ŋɛ́. Ó wà ní e ɖi ɔ̀nyà titɔ̃. Ɔ̀nyà titɔ̃#ɛ́, Ɔ̀ɖáyé ɖáa ńǹwànwà tòŋu ká‐ɛ̀ ni. Ìlò‐ɛ̀ dzɛ́ ìlò-òtítɔ́ òŋu ìlò mímá yèé òtítɔ́-Ɔ̀ɖáyé náa múnɛ lò#ɛ́ ni.

Mímí-Ɔ̀ɖáyé† mú ŋɛ́ tse ɔ̀kã̀ntso si. Náàtsùgbée bɛ́ɛ̀, è náa tsikpá ɔ̀kã̀lɔ́ɔ̀kã̀ kpó, tsí e ɖɔ̃̀ si, tsí e banɛ́ ɔ̀kã̀ntso tsítse#ɛ́ gbo si.

Òŋu ní tsɔ̀yà fú ɔ̀nyà kã̀ŋa#á. Ó tsɔ̀yà fú ɔ̀nyà kã̀ŋa ní ká dzɛ́ adzítsɛ́‐ɛ̀ ŋa, tsí ɔ̀nyà kã̀ŋa gbo dzɛ́ agbáfɔ̀-Ɔ̀ɖáyé fɔ̀† ŋa, tsí ɔ̀nyà kã̀ŋa gbo dzɛ́ adzíkɔ̀ ɖíɖɔ̃̀ fúnɛ wérí ŋa, tsí ɔ̀nyà kã̀ŋa gbo dzɛ́ aró-agbo-Ɔ̀ɖáyé òŋu akɔ́nɛ ŋa. Ó tse bɛ́ɛ̀, àtsùgbée ká nyáa tse tsí ɛnɛ yèé dzɛ́ ti Ɔ̀ɖáyé ŋa#á kpó, ká nyáa tsitsɛ́ yèé ó ɖá fú ŋa#á, tsí àkaralé-ɔma-ɛgbɛ́‐ɛ̀ ŋa kó ta ogùgù múlɛ̀ kpãŋu. Ɔma-ɛgbɛ́‐ɛ̀ ŋa wà fúu kíbí ara‐ɛ̀ bɛ́. Bí iŋɛ́ ŋa#á wà lɔ bɛ́ɛ̀, àwa kpó, àa nákó wáa tse ɔ̀kã̀ntso. Àa nákó tse ɔ̀kã̀ntso ńǹrɔ́-kíbí àa nɛ́ àkaralé si ńǹtá-Kírísítò gbà#á, òŋu ńǹrɔ́-kíbí àa ma Ɔma bíbí-Ɔ̀ɖáyé#ɛ́ gbà#á. Tsí àa nákó ɖonùgbó gbo. Ó ɖi, àa nákó ɖonùgbó dzálɛ̀, tsí wà kíbí Kírísítò ńǹrɔ́-kã̀ bɛ́ tútútú.

Ńbɛ̀ɛ́, àa kàkó dzɛ́ maɖé ró. Àa kàkó wà kíbí ɔkɔ̃̀-odzómi yèé omi náa wà kɛ́, tsí awu gbo náa wà télè wérí#ɛ́. Ɛ̀kɔ́-òɖòbò ŋa kàkó nyáa ro ìsérè má fú wa, tsí wà télè wá wérí gbo ró. Arúnɛ ŋa gbo kàkó nyáa wà ɖɔ́gbɔ̃́, tsí wà ń rú wa ró. Kà kàa bɛ́ɛ̀, àa nákó wà fɔ òtítɔ́, tsí wà nɛ́ àmúɖɔ̃̀ gbo fúnɛ. Ńbɛ̀ɛ́, àa nákó wáa ɖonùgbó ńnɔ́-iŋɛ́ ɔ̀kã̀lɔ́ɔ̀kã̀ kpó, tsí wà kíbí ɛnɛ yèé dzɛ́ oléwo fú wa#á. Ɛnɛ#ɛ́, Kírísítò ni.