Popular Bible Verses from Kòlósì ŋa 2

Share

Ńbɛ̀ɛ́, kíbí ó dzɛ́ ní à tsɛ̀kɔ́ ti nára-Yèésù Kírísítò Ɔlá-wa fú ŋɛ́ ná#á, è gbé náyé#ɛ́ kíbí ɛnɛ yèé ŋa ó tse ɔ̀kã̀ntso bá si#ɛ́. Àkaralé-ŋɛ́ kó ta ogùgù múlɛ̀, tsí kó wà ɖonùgbó máa, tsí wà lera gbo máa. Àkaralé-ŋɛ́ kó wà bɛ́ɛ̀ kíbí à tsɛ̀kɔ́#ɛ́ fú ŋɛ́ gbà#á. È náa wà ɖɔ́kpɛ́ gbo fú Ɔ̀ɖáyé títítí.

Ó ɖi, è tsɔ́ éwo-ara-ŋɛ́ ŋa rere. Ɔ̀nyà-kã̀ kó máa sɔ ŋɛ́ ɖi arú‐ɛ̀ òŋu ifɛ̀ɛ́nɔ́-ɔ̀nyà yèé à wà kɔ́nɛ#ɛ́. Ɛ̀kɔ́-akpotu-kã̀ ní dzɛ́ ɛ̀kɔ́#ɛ́, tsí à náa wà ń rúnɛ gbo. Tsí à kà fɔ afɔ̀-kã̀ náànyì-afɔ̀-ikpá yèé ŋa wà ńǹtalɛ̀ bí#ɛ́. Tsí ɛ̀kɔ́ nyɛ̀ŋɛ̀#ɛ́, bɛ́ɛ̀ ní à ti wà tseé fú ɔ̀nyà ŋa bàa ti títí dzɔ̀ɔ́ dzɔ̀ɔ́, títí ó wáa tó ńǹtá-àŋa gbo#ɛ́. Ɛ̀kɔ́-ìrɔ́ nyɛ̀ŋɛ̀ òŋu ti Kírísítò, à kò fa ɛkpa ɔ̀kã̀ntso gìɖì ɖã́wò.

Dzɔ̀ɔ́ dzɔ̀ɔ́#ɛ́, è kú nóòro si nódzú-Ɔ̀ɖáyé. Iŋɛ́ yèé tse#ɛ́, kíbí è yà gbà#á sɔ́ ŋɛ́, tsi è dzàbi‐ɛ̀. È kè wà náàŋírĩ-ɛnɛ yèé ŋa dzɛ́ ìmɔ̀lɛ̀‐ɛ̀ gbà ńǹtá-okó ɖíɖá†#á. Ó ɖi báàyí#ɛ́, kíbí ó dzɛ́ gìɖì ní è wà bɛ́ɛ̀ gbo#ɛ́, Ɔ̀ɖáyé tse tsí è wà náàyɛ̀ si ró bá Kírísítò, tsí ó mú àbi-wa ŋa gbo, tsí ń tɔrɛ fú wa. Kíbí ó mú àbi-wa ŋa, tsí ń tɔrɛ fú wa bɛ́ɛ̀#ɛ́, ó wà kíbí ká fɔ̀ ní ó kɛ́ ìwé yèé à tɔ́ àbi-wa ŋa si ńnɛ̀#ɛ́, ìwé yèé à má kɛ́, tsí ń ɖáàbi fú wá#á, ó wà kíbí ó kɛ́ɛ, tsí yaá, tsí kɛ́ɛ sɔ taánù lɔ bɛ́. Ó tse bɛ́ɛ̀, náàsòkò yèé à kã Kírísítò si ńǹtá-egi-ìɖáàgàlàdzà†, tsí ó kú#ɛ́ ni. Ó ɖi báàyí#ɛ́, à kàkó nyáa lo ìwé#ɛ́, tsí ń ɖáàbi fú wá ró.

Ó ɖi, Ɔ̀ɖáyé òŋu ká‐ɛ̀ kpó, akpá akpá, ɛsɛ̀ ɛsɛ̀, ńnɔ́-Kírísítò ní ó wà#á. Tsí kíbí ó tse ɔ̀kã̀ntso bá ŋɛ́ si#ɛ́, àyɛ̀‐ɛ̀ tɔwɔ́-ŋɛ́ dzálɛ̀ kpó. Òŋu ní kpàtà lé ńǹtá-ikpá ɔ̀kã̀lɔ́ɔ̀kã̀ kpó#ɛ́.

Ńbɛ̀ɛ́, è máa dzɛ́ fú ɔ̀nyà-kã̀ ní kó ɖáàbi fú ŋɛ́ ti nára-iŋɛ́ yèé è náa dzɛ#ɛ́ òŋu ɔtí-ìrɔ́ yèé è náa mɔ#ɛ́. Tsí kíbí è náa dzɛ ɔɖɔ̃́ ŋa gbà, bí òtsùkpá lé#ɛ́ òŋu kíbí è náa tse gbà nɔ́dzɔ́-ìmíra†#á, ká máa ɖáàbi‐ɛ̀ fú ŋɛ́. Iŋɛ́ nyɛ̀ŋɛ̀ ŋa kpó#ɛ́, afɛ́fɛ́-iŋɛ́ yèé bàa ŋa#á ni. Ó ɖi, iŋɛ́-òtítɔ́#ɛ́, Kírísítò ni.