Popular Bible Verses from Ɔrɔ 3

Share

Bari mɔgɔ bɛɛ ye hakɛ kɛ, u yɔrɔ jaɲana Ala ka nɔɔrɔ la. Nga Ala ye nɛɛma kɛ u ye k'u jati mɔgɔtilenninw ye Yezu Krista sababu la, ale min y'u kunmabɔ.

Mɔgɔ o mɔgɔ lara Yezu Krista la, Ala be olu bɛɛ jati mɔgɔtilenninw ye, wolomani t'o la.

Mɔgɔ minw lar'a la ko a sara olu kosɔn, Ala y'a kɛ hakɛ yafa saraka ye, waasa k'ale Ala yɛrɛ ka tilenninya yira, bari mɔgɔ minw tun ye hakɛ kɛ fɔlɔfɔlɔ, a ma olu jalaki a ka muɲuli waati la. O la, Ala y'a ka tilenninya yira sisan. Mɔgɔ minw lara Yezu la, a ye olu kɛ mɔgɔtilenninw ye, janko a ka tilenninya ka ye.

O le y'a to mɔgɔ si te se ka kɛ mɔgɔtilennin ye a ɲakɔrɔ sariya batoli barika la, bari an be hakɛ lɔn sariya le barika la.

I ko a fɔra Ala ka kuma na cogo min na ko: «Mɔgɔtilennin si te yen, hali mɔgɔ kelen. Hakili te o si fɛ, o si te Ala yɔrɔ ɲini fana. U bɛɛ filinin lo, u bɛɛ kɛra mɔgɔjuguw ye. U si te koɲuman kɛ, hali mɔgɔ kelen.

Bari an b'a miiri ko adamaden be jati mɔgɔtilennin ye a jigi le barika la. Sariya batoko seen t'o la.

Ayi dɛ! Hali ni adamadenw be galon tigɛ, Ala be tiɲɛ fɔ, i ko a fɔra cogo min na ko: «O la, tiɲɛ ka sɔrɔ i fɛ i kuma waati la, i ka see sɔrɔ i ka kiti la.»