Popular Bible Verses from Ɔrɔ 2

Share

E min b'o koow kɛbaga nunu jalaki, k'a sɔrɔ ele fana b'o koow ɲɔgɔn kɛ, e be miiri ko i bena kisi Ala ka kiti ma wa? Walima e te Ala ka ɲumanya dafanin n'a ka muɲuli, n'a ka timinadiyali jati foyi ye wa? K'a sɔrɔ a b'i dɛmɛ a ka ɲumanya barika la ka nimisa ka faran i ka kojugu la.

E kɛra mɔgɔ o mɔgɔ ye, tiɲɛ t'i fɛ k'i tɔɲɔgɔn jalaki, bari e b'i tɔɲɔgɔn jalaki koo minw na, e yɛrɛ b'o ɲɔgɔn kɛ. O la, e b'e yɛrɛ jalakila.

Bari Ala te mɔgɔ bɔ mɔgɔ la.

A ma kɛ ko mɔgɔ minw be sariya kuma lamɛn, k'olu le ye mɔgɔtilenninw ye Ala fɛ, mɔgɔ minw b'a sira taama, olu le bena jati mɔgɔtilenninw ye.

Ale lo bena mɔgɔ kelen kelen bɛɛ sara ka kɛɲɛ n'u ka kɛtaw ye.

Nga minw be sɔsɔli kɛ ka muruti tiɲɛ ma ka to tilenbaliya la, a ben'a ka dusubɔ n'a ka dimi yira olu la.

E ka dusugwɛlɛya n'i ka murutili kosɔn, e be dɔ fara Ala ka dimi kan, sanni o dimi nin kiti tilennin loon ka se.