Popular Bible Verses from Eclesiastes 7

Share

Na deifrich ann ad spiorad gu fearg a ghabhail; oir còmhnaichidh fearg ann an uchd amadan.

Ann an là an t‑soirbheachaidh bi subhach, ach ann an là an doirbheis smaoinich: rinn Dia mar an ceudna seo fa chomhair siud, a‑chum nach faigheadh duine a‑mach aon nì na dhèidh.

Is fheàrr deireadh nì na a thoiseach: is fheàrr esan a tha foighidneach na spiorad na esan a tha àrdanach na spiorad.

Oir chan eil duine ceart air an talamh, a nì math, agus nach peacaich.

Oir is dìdean gliocas, agus is dìdean airgead: ach is e òirdheirceas an eòlais gun toir gliocas beatha dhaibhsan aig am bi e.

Is fheàrr deagh ainm na ola‑ungaidh luachmhor, agus là bàis na là breith neach.

Is fheàrr èisdeachd ri achmhasan duine glic na gun èisdeadh duine ri òran amadan.

Is fheàrr dol do thaigh a’ bhròin na dol do thaigh na cuirme; oir is e sin crìoch nan uile dhaoine, agus gabhaidh am beò ga chridhe e.

Tha cridhe nan daoine glice ann an taigh a’ bhròin, ach cridhe nan amadan ann an taigh an t‑subhachais.